Bu texnologiyada

V.F.SHatalov bo‘yicha o‘qitishni tashkil etish texnologiyasi

Sinfda (doska yonida) o‘qitish



Uyda mustaqil ishlash



Sinfda nazorat

o‘qituvchining mavzuni tushuntirishi

o‘qituvchining tayanch konspekt orqali mavzuni takrorlashi

o‘quvchining konspekt ustida ishlashi

Mavzuni darslikdan o‘qish

Mavzuni konspekt yordamida o‘qish

Tashqi nazorat

O‘z-o‘zini nazorat

Bu texnologiyada o‘qituvchi mehnati asosiy mavqeni egallaydi va bu mehnatga ta’lim oluvchilar ayrim hollardagina (nazorat, maslahat, yordam) jalb etiladi. Tayanch signallari yordamida o‘qitish jarayoni qator bosqichlardan iborat:

1. Auditoriyada o‘qitish: mavzu o‘qituvchi tomonidan odatdagidek sinf doskasi yonida tushuntiriladi, keyin esa tayanch konspektlar asosida mavzuni tushuntirish takrorlanadi. Ta’lim oluvchilarning o‘z konspektlari ustida mustaqil ishlashi ta’minlanadi va frontal tarzda bilimlar mustahkamlanadi.
2. Uyda mustaqil ishlash: tayanch konspektdagi kodlashtirilgan o‘quv materiallarini ta’lim oluvchi darslik yordamida oydinlashtiradi.
3. Nazorat va baholash: mavzu bo‘yicha ta’lim oluvchining bilim, ko‘nikma va malakalari tashqi nazorat va o‘z-o‘zini nazorat qilish yordamida tekshiriladi. Nazorat shakli: tayanch konspekti bo‘yicha yozma, mustaqil ish, og‘zaki so‘rov; juftli o‘zaro nazorat, guruhli o‘zaro nazorat.
Muallifning boy tajribasi - “tayanch signallari varaqasi” asosida tashkil etilgan o‘quv-bilish faoliyati ta’lim oluvchilarning yuqori ko‘rsatkichga erishishini shubhasiz ta’minlaydi. O‘quvchi olgan baho bilimlarni hisobga olish varaqasida qayd etiladi va u hohlagan vaqtda qayta tayyorlanib o‘z bahosini tuzatishi mumkin. Demak, bu texnologiya ochiq istiqbolli prinsipni ta’minlagan holda o‘qituvchi va ta’lim oluvchi o‘rtasida nizo tug‘dirmaydi.
V.F.SHatalov metodikasi oliy o‘quv yurtlarida ham muvaffaqiyatli qo‘llanmoqda. Bugungi kunga qadar V.F.SHatalov o‘zining qimmatli tajribalari, o‘ziga xos metodikalari bilan o‘rtoqlashib kelmoqda va bu borada mahsuldor faoliyat ko‘rsatmoqda.
SHunday qilib, olimlarning ta’lim texnologiyalarini ishlab chiqish jarayoni, shubhasiz, kelajakda yana davom etadi va yangi pedagogik texnologiyalar zamon talabiga hamohang tarzda yaratilaveradi.