Бозор ўринбоев

Tayanch iboralar: intellekt-karta, ijodkorlik, asosiy tushuncha,
loyihalarni rejalashtirish, murakkab loyiha, “mind map”.
Intellekt kartasi – namoyishlarni o‘tkazish, qaror qabul qilish, o‘z
vaqtini rejalashtirish, katta miqdordagi ma’lumotlarni esda saqlash,
aqliy hujumlarni o‘tkazish, o‘z-o‘zini tahlil qilish, murakkab loyihalarni
ishlab chiqish, mustaqil ta’lim, rivojlanish va shu kabi vazifalarni hal
etishda ajoyib vosita bo‘lib xizmat qiladi. Intellekt-kartalarni
darslarda qo‘llashga oid dastlabki tajribalar Toni Byuzen tomonidan
amalga oshirilgan. T.Byuzen “Superthinking” asarida intellekt-kartaning
detallarini belgilagan: 1) asosiy fikr, muammo yoki so‘z markazga
joylashtiriladi (u rasm ko‘rinishida, belgi yoki so‘z ko‘rinishida); 2)
rasmlar markaziy fikrni ifodalashi kerak; 3) har bir tarmoq turli rang
bilan belgilanishi kerak; 4) kartani tayyorlashda faqat rangli qalam yoki
markerlardan foydalaniladi; 5) asosiy tarmoqlar markazdagi asosiy
tushuncha bilan bog‘lanadi, kichik tarmoqlar esa asosiy tarmoqlarga
bog‘lanadi; 6) har bir tarmoqqa faqat birgina kalit so‘z yoziladi; 7)
intellekt-kartani hosil qilishda assotsiativ tushunchalardan foydalanish
maqsadga muvofiq.
Intellekt-kartalarning qo‘llanish sohalari:
·ma’ruzalarning aniq va tushunarli konspektlarini yaratish;
·kitob/darsliklarni o‘qishda maksimal samaraga erishish;
·referat, kurs loyihalari, diplom ishlarini yozish.
Ta’lim doirasida intellekt-kartani quyidagi vazifalarni
bajarishda qo‘llash mumkin:
·Konspektlashtirish: darslik, kitob, maqolalarni; Eshitish orqali
ma’ruzalarni.
1.Maqola/referat/kurs ishlarini yozish.
2. Tahlil/tushunish.
3. Esda saqlash.