“bozor iqtisodiyoti nazariyasi-rivojlangan mamlakatlar bozor tajribasi”

8.5. “Yo`lbarslar”da bozor munosabatlarining
iqtisodiy rivojga ta’siri

Iqtisodiy taraqqiyotda yuqorida ko`rib o`tgan “Ajdaholar” deb ataluvchi to`rt rivojlangan yangi industrial mamlakatlardan keyingi Janubiy-Sharqiy Osiyo mamlakatlari bo`lib, bular: Indoneziya, Malayziya, Filippin va Tailanddir. Bular ham o`zlarining keyingi bir necha o`n yilliklar ichida iqtisodiy rivojlanishi va bundagi doimiylik bilan diqqatga sazovordir. Bundagi iqtisodiy o`sish jarayonlarida ham umumiylik, shu bilan birga xususiylik tomonlar ko`pdir. Bundagi umumiylik xususiyati sanoat ishlab chiqarishning to`xtovsiz o`sishi, iqtisodiyotning ilm sig`imli, eksportbop mahsulotlar yaratishga qaratilishi, shu bilan birga bunday mahsulotlarga tashqi bozorlarda yetarli darajada talab mavjudligidir.

Bundan tashqari iqtisodiyotning ochiqligi va chet mamlakatlar qatnashuviga erkinlik tug`dirilishi va ular bilan keng xajmda aloqada bo`lish imkoniyatlari mavjudligi ahamiyatlidir. Xalqaro iqtisodiyot bilan tanish bo`lishlik, kon’yukturadan xabardorlik, o`z tijorati uchun zarur chet sheriklar bilan aloqa o`rnatish, birgalikda tadbirkorlik faoliyatida samarali ishtirok etish imkoniyatlari mavjudligi, samarali agrar islohotlarning amalga oshirilishi, milliy ta’limning muntazam ravishda taraqqiy etishi va iqtisodiy rivojga kadrlar yyetishtirish tizimini uyushtirish va boshqa shu kabi omillar bu mamlakatlarni ham doimo oldinga qarab tezlik bilan harakat qilish sharoitini tug`dirib rivojlangan mamlakatlarga yetib olish uchun harakat qilish imkonini tug`dirmoqda.


8.5.1—jadval
Janubiy-Sharqiy Osiyo mamlakatlaridagi iqtisodiy
rivojlanish ko`rsatkichlari

Iqtisodiy ko`rsatkichlari

Indoneziya