“bozor iqtisodiyoti nazariyasi-rivojlangan mamlakatlar bozor tajribasi”

Umumiylik	Xususiylik
Xalqaro tajriba, hamkorlik
1) Bozor iqtisodiyoti qonunlari 2) Ijtimoiy muhofaza 3) Bozorga xos umumiy boshqa voqeliklar 4) Bozor shakllanishining umumiy amaliy qoidalari	1) Iqtisodiyot darajasi va xalq xo`jalik tuzilmasi 2) Geografik holat 3) Tabiiy boyliklar 4) Madaniy, ilmiy daraja 5) Milliy xususiyatlar	1) Jahon bozor huquqiy asoslari 2) Bozor taraqqiyoti usullari 3) Umumiy hamkorlik 4) Iqtisodiy yordam

O`zbekiston milliy bozor modeli asoslari, jadvalda ko`rsatilganidek, milliy model bozor iqtisodiyoti shakllanishi uchun zarur asos va tomonlarni o`z ichiga oladi. Ma’lumki, ularning birgalikdagi amaliyoti o`zining katta samarasini bermoqda.

O`zbekiston bozor iqtisodiyoti yo`lini uzil-kesil tanlaganligini ta’kidlar ekanmiz, milliy mustaqillik avvalo mustaqil, rivojlangan iqtisodiyotga asoslangan bo`lishi, bu esa sovet imperiyasi davridagi iqtisodiyotni tubdan o`zgartirish, uning o`rniga har tomonlama rivojlangan va xalq faromonligini ta’minlay oladigan iqtisodiyotni paydo qilishni, hozirgi sivilizatsiyali jamiyatga xos bozor iqtisodiyoti barpo etishda boshqacha yo`li yo`q ekanligini tan olmog`imiz zarur.Respublikamiz bozor iqtisodiyotiga o`tishning konsepsiyasi ishlab chiqilgan bo`lib, uning asosini bozor iqtisodiyotini shakllantirishning milliy modeli tashkil etadi. Bu milliy model bir qancha amaliy dasturlarni o`z ichiga oladi.
Bularning eng asosiylari: xususiy, korxonalarni kengaytirish, mulkni keng xajmda xususiylashtirish, tadbirkorlikni avj oldirish, mayda ishlab chiqarishni rivojlantirish, qo`shma korxonalarnii ko`paytirish, jahon iqtisodiyotiga qo`shilib borish, erkin baholarni joriy etish, yangi moliya-kredit tizimini yaratish, bozorga xos pul muomalasini paydo qilish va umuman, iqtisodiy raqobat ta’sirini kengaytirish sharoitlarini yaratib borishdan iborat.
O`zbekistonning kelajagi iqtisodiyoti rivojlangan, aholisi farovon, haqiqiy demokratiyaga asoslangan jamiyatni barpo etish ekan, demak, buning asosiy sharti bozor munosabatlari asosidagi iqtisodiyotni qurishdir. Bu O`zbekistonda bozor iqtisodiyotiga o`tish konsepsiyasining tub mazmunini anglatadi. Bu konsepsiya iqtisodiy qoloqlikdan qutilish, uning o`rniga rivojlangan va respublika xalqi manfaatiga bo`ysungan iqtisodiyotni qurish uchun bozor iqtisodiyotiga o`tish zaruriyatiga asoslanadi.
O`zbekistonning o`z taraqqiyot yo`li mavjud ekan, uning asosida bozor iqtisodiyoti konsepsiyasi va milliy modeli yotadi. O’zbekiston Respublikasining Prezident I.A. Karimov “Respublikaning bozor munosabatlariga o`tishida o`z yo`lida izchillik bilan borishi demokratik o`zgarishlar, respublikani rivojlangan mamlakatlar qatoriga olib chiqish, uni xalqaro obro`-e’tiborini mustahkamlash uchun puxta moddiy negiz yaratadi”, deb ta’kidlaydi.