Bosim ostida payvandlash

Tegish qarshiliqlari detal-detal va elektrod-detal tegish joylarining tor sohasida to‘plangan qarshiliklardir.
Termo-kompression payvandlash – biriktirilayotgan detallarni qizdirib bosim ostida mikro payvandlashdir. Termo-kompression payvandlash yarim o‘tkazgichli mikro uskunalarni va simli o‘tkazgichli turli korpusli integral sxemalarni yig‘ishda juda keng qo‘llaniladi.
Tokning shuntlanishi tokning bir qismi payvandlash joyidan tashqarida, masalan, ikki tomonlama nuqtali payvandlashda ilgari payvandlangan nuqtalar orqali yoki bir tomonlama payvandlashda detallardan biri orqali o‘tishida namoyon bo‘ladi.
Sovuq holatda payvandlash - payvandlanadigan qismlarni anchagina plastik deformatsiyalagan holda, tashqi issiqlik manbalari bilan qizdirmasdan bosim ostida payvandlash.
Uchma-uch kontakli payvandlash deb, kontaktli payvandlashning shunday turini aytiladiki, bunda payvandlash detallarning birlashtiriladigan butun yuzasi, butun uchma-uch birikish joyi bo‘yicha amalga oshiriladi.
Ultratovush yordamida payvandlash – ultratovush tebranishlari ta’sirida amalga oshiriluvchi bosim ostida payvandlash. Metallarni ultratovush yordamida payvandlashda ajralmas birikma biriktiriladigan qismlarni nisbatan kichik (mikrosxemalar va yarim o‘tkazgichli asboblar qismlarini biriktirishda nyutonning o‘ndan bir ulushi yoki birligiga teng hamda nisbatan qalin tunukalarni biriktirishda 10⁴ N dan katta bo‘lmagan) kuch bilan siqish va ayni vaqtda tegish (kontakt) joyiga 15–80 kHz chastotali mexanik tebranishlar ta’sir etirish jarayonida hosil bo‘ladi.
Yig‘ish ishlari detallar chizmaga muvofiq o‘zaro anik joylashishini va ular orasidagi tirqish eng kichik bo‘lishini ta’minlamog‘i lozim.
Yumshoq rejim uchun tokining oqish muddati ancha uzoqligi (t_pay>0,1s), kuchning nisbatan kichikligi xosdir. Bunda detal ichida va elektrodlar orasida ancha katta issiqlik almashinuvi yuz beradi.
Yuqori chastotali tok bilan payvandlash ham bosim bilan payvandlash bo‘lib, bunda payvandlanadigan yuzalarni qizdirish uchun yuqori chastotali toklardan (YUCHT) foydalaniladi.
Yuvish– detalga kimyoviy ishlov berishning, har bir operatsiyalari oraligida odatda issiq suv bilan, keyin esa vodorod ko‘rsatkichi pH = 6,5–7,5 bo‘lgan sovuq suv bilan ishlov beriladi.