Boshqaruv psixologiyasi

Psixologiyaning metodlar tizimini tahlil etgan olimlar quyidagi metodlar guruhini taklif etadi:

1. 
   Tadqiqotni tashkillashtirish va rejalashtirish metodlari, ya’ni tashkiliy metodlar.
   
2. 
   Dalillar to‘plash, ilmiy ma’lumotlar olishga qaratilgan empirik metodlar (usullar).
   
3. 
   Ma’lumotlarni qayta ishlash usullari.
   
4. 
   Interpretatsion metodlar(usullar).
   
5. 
   Boshqa bir qator psixolog-olimlar psixologiyasining quyidagi usullarini ajratishadi:
   
   1. 
      Sub’ektiv metodlar (o‘zini-o‘zi kuzatish);
      
   2. 
      Ob’ektiv metodlar (kuzatishning har xil turlari; eksperimental, testlar, savol-javob, so‘rovnomalar).
      

Psixobiografiya - shaxslarning hayot yo`lini psixologik o‘rganish metodi hisoblanadi. Avval psixobiografiya siyosatchilarining obru-e’tiborini, kishilarning individual kasbiy biografiyalarini o‘rganish maqsadida qo‘llanilgan. Boshqaruv psixologiyada psixobiografiyani qo‘llash orqali shaxsning kasbiy maqsadlarining paydo bo‘lishi, kasbiy shakllanishdagi inqirozlar haqida qimmatli ma’lumotlarni olish imkonini beradi.

Anamnez metod - bu insoning mehnat sub’ekti sifatida rivojlanish tarixi, haqidagi ma’lumotlarni yig’adi. Bu usul Ye.A.Klimov tomonidan batafsil ko‘rib chiqilgan. Kasbiy anamnez mehnat motivlarini o‘rganish, tanqidiy voqealarni aniqlash, boshqaruv faoliyatda obru- e’tibor qozonishni oldindan tashhis qilishda qo‘llaniladi. Anamneztik tadqiqot o‘z ichiga suhbat tizimini olgani uchun, suhbat metodiga qo‘yiladigan talablar bu usulga ham tadbiq etiladi.