Boshqaruv muammolarini hal qilishda ijtimoiy-psixologik usullarni qo’llash

“Boshqaruv muammolarini hal qilishda ijtimoiy-psixologik usullarni qo’llash” mavzusidagi magistrlik dissertatsiyasi uchun annotatsiya
Bugungi kunda mamlakatimizda amalga oshirilayotgan ta’lim tizimidagi zamonaviy islohotlar, ijtimoiy-psixalogik rivojlanish hamda erkin bozor iqtisodiyoti chuqur ildiz otib borayotgan davrda kadrlar tayyorlashning milliy dasturiga muvofiq bir qator yangi talablar yuzaga keldi. Ular ichida eng muhimlari: ijtimoiy-psixalogik diagnostika; guruhlarda o’zaro shaxsiy munosabatlarni, rahbarlik munosabatlarini tahlil qilish va tartibga solish; funksional va ijtimoiy ixtiloflarni hamda stresslarni boshqarish; ta’lim tizimini zamonaviy axborot texnologiyalari bilan ta’minlash; pedagogik xodimlarga ehtiyojlarni tahlil qilish; pedagogik xodimlarning kasbiy va ijtimoiy-psixalogik moslashuvini ta’minlash, ularning malakasini oshirish va qayta tayyorlash; umumiy o’rta ta’lim muassasalarini boshqarish tizimini takomillashtirish; ta’lim tizimini boshqaruv jarayoniga yangicha yondashuv; masalalaridir. Bu nafaqat ta’lim tizimidagi boshqaruv muammolarini, balki maktab rahbarlari tomomidan boshqaruvni takomillashtirish hamda boshqaruvning ijtimoiy-psixalogik usullarini amaliyotga tadbiq etish, shuningdek, turli darajadagi rahbarlarning boshqaruv faoliyatida mavjud muammolarni oldindan ko’rish va ularni ijobiy xal etish qobiliyatlarini shakllantirishni olg’a surmoqda. ‘Oʻzgalar psixologiyasini bilish ular ustidan hukmronlikning yagona yoʻlidir’, degan edi ingliz olimlari. Endryu Karnegi esa umrining oxirida o’zining qabr toshiga ‘Bu yerda bir umr o’zidan aqlliroq bo’lganlarni o’ziga bo’ysundira olgan inson yotibdi’ deb yozib qo’yinglar deb vasiyat etgan. Demak, u ham o’z yo’lida xodimlar psixologiyasini yaxshi bilgan va ularga o’z vaqtida tashabbus ko’rsatish imkonini bera olgan kamtar shaxs bo’lgan. Darhaqiqat o’zgalar psixalogiyasini bilish ular bilan muloqot hamda kommunikatsiya jarayonlarini to’g’ri tashkil etish jamoani muvaffaqiyatli tarzda olg’a yetaklashda muhim omillardan biri hisoblanadi.