Boshqaruv hisobi

Administrative expenses – Ma’muriy-boshqaruv xarajatlari. Xo‘jalik yurituvchi subyektning faoliyat yuritishini ta’minlash uchun vujudga keladigan davriy xarajatlar tushuniladi. Bu xarajat turlari ishlab chiqarish va savdo-sotiq xarajatlaridan butunlay farq qilib, boshqaruv xodimlarining maoshi, xizmat mashinalari va telefonlari chiqimi, ofis
jixozlari uchun xarajatlar, kreditga to‘lanadigan foizlar, umumiy sug‘urta va shu kabilarni hisobga oladi.


Administrative plans – Ma’muriyat rejalari. Xo‘jalik yurituvchi subyektning tashkiliy strukturasini rivojlantirishga mo‘ljallangan taktik reja. Uning maqsadi – har qanday xo‘jalik yurituvchi subyekt uchun, u xohlagan, istayotgan va shunga muvofiq maqsad qilib olgan ko‘rsatkchlarga yetkaza oladigan rejalar tuzishdir. Ular yilda bir marotaba ko‘rib chiqiladigan o‘rta muddatli rejalar hisoblanadi.


Amortization – Amortizatsiya. Aktivlarning amortizatsiyasini, ya’ni eskirishi miqdoriga teng bo‘lgan miqdorni ifodalaydigan termin (intangible assets).


Assets – aktivlar. Xo‘jalik yurituvchi subyektga tegishli iqtisodiy manbalar yig‘indisi (asosiy vositalar, nomoddiy aktivlar, xomashyo va materiallar, tayyor mahsulotlar, ehtiyot qismlar, ishlab chiqarishdagi mavjud tugallanmagan ishlab chiqarish, kassadagi naqd pul mablag‘lari, schetlardagi pul va valyuta va sh.k.) bo‘lib, kelajakda ulardan foydalanib muayyan foyda olish maqsad qilinadi.


Average costing approach – mahsulot uchun sarflangan xarajatlarni aniqlashdagi o‘rta hisobni ko‘rsatish metodi. Ishlab chiqarilayotgan bir dona mahsulot, yoki bajarilayotgan ish, shuningdek ko‘rsatilayotgan xizmat tannarxini hisoblash usuli. Bu usulda boshlang‘ich zaxiralaridagi birliklar ushbu davr ichida yakunlangan, hisobot davri oxiridagi qoldiq tugallanmagan ishlab chiqarishni tashkil qiladi deb hisobga olinadi va shunga muvofiq mahsulot birligi tannarxi taxminlar asosida hisoblanadi.


Average cost method – o‘rtacha tannarx metodi. Tovar-material zaxiralar narxini, taxminan sotilgan mahsulotlar va yakuniy zaxiralar
tannarxi sotuvga yaroqli mahsulotlarning o‘rtacha tannarxiga tengligini hisoblash metodi (boshlang‘ich zaxiralar va sof xaridlar yig‘indisi).