Boshqarishda iqtisodiy kriminalistika masalasi va yechimi. Kirish 1 Bob. Iqtisodiy kriminalistika haqida tushuncha

Dastlabki va keyingi tergov harakatlari

Jinoyat ustida qo‘lga tushirish – poraxo‘rlarni fosh etishning samarali usulidir. Odatda, u da’vo qiluvchi shaxsning har tomonlama tekshirilgan pora ta’magirligi bo‘yicha, arizasi bo‘yicha amalga oshiriladi. Poraxo‘rlarni fosh etish uchun sud-tezkor fotografiyasi, kinotasvir va tezkor-qidiruv vositalari qo‘llanilishi mumkin.

Jinoyat ustida qo‘lga olish ishning ma’lum holatlari bilan bog‘liq bo‘lib va porani berish-olish paytida yoki bergan zahoti amalga oshiriladi. Qo‘lga olish vaqtida pora oluvchi ashyoviy dalillardan – pora predmetidan qutula olmasligi muhimdir. SHeriklarni aniqlash uchun qo‘lga olishni pora predmetini uchinchi shaxsga berish yoki pullash vaqtida o‘tkazish maqsadga muvofiqdir. Jinoyat ustida qo‘lga olishni sinchkov tarzda rejalashtirish zarur. Jinoyat ustida qo‘lga olingandan so‘ng pora oluvchini o‘sha zahoti, pora predmeti unga qay yo‘sinda kelib tushganligi haqida bahona topmasidan turib so‘roq qilish kerak. Bunday holatlarda ko‘pincha pora oluvchi o‘z aybini tan oladi va haqqoniy ko‘rsatuvlar bera boshlaydi.