Boshqarishda iqtisodiy kriminalistika masalasi va yechimi. Kirish 1 Bob. Iqtisodiy kriminalistika haqida tushuncha

Guvohlarni so‘roq qilish. Poraxo‘rlik bo‘yicha guvohlik berishi mumkin bo‘lgan shaxslar guruhi jinoyat ishi qo‘zg‘atilishiga asos bo‘lgan materiallarga bog‘liq. Quyidagilar odatda guvoh sifatida so‘roq qilinadilar: ularga nisbatan ta’magirlik qilgan shaxslar, porani berisholishni ko‘rganlar; poraxo‘rni jinoyat ustida qo‘lga olishda ishtirok etganlar; poraxo‘rlikda gumon qilinayotgan mansabdor shaxsning xizmat faoliyati bilan tanish bo‘lganlar yoki uning ko‘rsatmalarini bajarganlar; poraxo‘rning shaxsi va axloqini ta’riflab bera oluvchilar (hamkasabalar, qo‘shnilar, qarindoshlar). Bu guvohlar guruhi poraxo‘rlik sheriklarining aloqalari va pora berishning shart-sharoitlari haqida foydali ma’lumot bera oladilar. Guvohlik olingandan so‘ng guvoh-xolisning pora berilgan (olingan) joyda ko‘rsatuvlarini tekshirish mumkin. Poraxo‘rlikni tergov qilishning ba’zi hollarida pora berish-olish, shuningdek boshqa harakatlarni amalga oshirishda kuzatishni tekshirish uchun tergov eksperimentlari o‘tkaziladi.

Poraxo‘rlikni fosh etishda sud ekspertizalari katta rol o‘ynaydi. Ko‘p hollarda, pora predmetida yoki uning o‘ramida qo‘l barmoqlari va kaftning izi, kundalik, daftar, yon kitobchalarda – pora berish bilan bog‘liq yozuvlar, bloknotlarning toza varaqlarida tekstning bosilgan izlarini aniqlash mumkin. Ularni o‘rganish uchun hujjatlarni kriminalistik-texnik ekspertizasi, mikrozarrachalar, material va moddalarni o‘rganish uchun trasologik ekspertiza, ba’zan esa kompleks ekspertizalar o‘tkaziladi.

1.