Boshqarishda axborot va kommunikatsiyalar

Informaciyalıq sistema – bul maǵlıwmat hám xabarlar toplamı bolıp, mazmunı tárepinen, jańalıq elemenlerine iye boladı hám  basqarıw  wazıypaların sheshiw ushın júdá zárúrli bolıp tabıladı. Isenimli hám zárúr informaciyalarsız basqarıwdı ámelge asırıp bolmaydı. Informaciyalarbasqarıw negizi esaplanadı.

Basqarıwshı hám basqarılıwshı sistemalar ortasındaǵı óz ara baylanıslar informaciya quralları tiykarında tómendegishe ámelge asırıladı.

Basqarıwshı organ basqarılıwshı ob`ekttiń jaǵdayın hámde basqarılıwshı ob`ektke baylanıslı bolǵan sırtqı ortalıq jaǵdayı haqqında informaciyalar alıp turadı. Bul informaciya basqarıwshı organ tárepinen qabıl etiledi hám usı informaciya tiykarında ol basqarıwshı informaciyalar (qarar, buyrıq) islep shıgadı. Sonnan keyin informaciya basqarılıwshı ob`ektke tásir  ótkizetuǵın basqarıwshı strukturanıń atqarıwshı organına jiberiledi hám orınlanıwı qadaǵalawǵa alınadı.

Solay etip, basqarıw sistemasında informaciyanı jetkiziw, qabıllaw, qayta islew hám beriw procesi ámelge asrıladı. Islep shıǵarıwdıń barısı haqqındaǵı ishki informaciya basqarıwshı sistemaǵa kelip túsedi.