Savol va topshiriqlar:
1. Yordamchi so`zlar turkumi deb nimaga aytiladi.
2. Ko`makchi nima?
3. Ko`makchining qanday turlari bor?
4. Ko`makchilar qanday qo`llanadi?
5. Bog`lovchi deb nimaga aytiladi?
6. Bog`lovchining qo`llanishiga ko`ra qanday turlari bor?
7. Bog`lovchining vazifasiga ko`ra qanday turlari bor?
8.Yuklama deb nimaga aytiladi?
9. Yuklamaning tuzilishiga ko`ra qanday turlari bor?
10. Yuklamaning ma’nosiga ko`ra qanday turlari bor?
11. Modal so`z deb qanday so`zlarga aytiladi?
12. Modal so`zlarni ma`nosiga ko`ra qanday guruhlarga ajratamiz?
13. Mustaqil so`z turkumlaridan o`sib chiqqan modal so`zlarni izohlang.
14.Undov so`zlar deb qanday so`zlarga aytiladi?
15. Undovlar tuzilishiga ko`ra qanday turlarga bo`linadi.
16. Undov so`zni tahlil qilish tartibini tushuntiring.
17.Taqlid so`z deb qanday so`zlarga aytiladi?
18. Taqlid so`zlarni ma`nosiga ko`ra qanday guruhlarga ajratamiz?
19. Taqlid so`zlar gapdagi vazifasi qanday bo`ladi?
20. Taqlid so`zlar tuzilishiga ko`ra qanday turlarga bo`linadi.
21. Taqlid so`zlarni tahlil qilish tartibini tushuntiring.
FANNING AMALIY MASHG‘ULOTLARI ISHLANMASI
1-semestr
1-amaliy mashg‘ulot
Mavzu: Til ijtimoiy, doim o‘zgarib, rivojlanib turuvchi hodisadir.
Milliy va adabiy til.
Reja:
Tilshunoslik fani, uning vazifalari haqida ma'lumot.
Tilning ijtimoiy mohiyati, tuzilishi.
Tilning paydo bo‘lishi, taraqqiyoti.
Milliy til va adabiy til.
Tillar tasnifi.
O`zbеk adabiy tili bo`limlari yuzasidan mashq.
MAVZU YUZASIDAN MASHQLAR
1-mashq. Hind-yevropa hamda oltoy tillar oilasiga kiruvchi tillarni aniqlab, guruhlarga ajratib yozing.
Osetin, tojik, bolgar, litva, ozarbayjon, arman, rumin, yoqut, pushtu, shor, turk, fransuz, qumiq, urdu, oyrot, sloven, chuvash, bengal, gujarat, qrim-tatar, lak, dungan, turkman, mo‘g‘ul, ingliz, nemis, shotland, chex.
2-mashq. Quyidagi so‘zlarni o‘zbek tili lahjalari bo‘yicha ajratib yozing.
Elay (elak), jur (yur), oka (aka), geldi (keldi), adamni (otamni), dag‘ (tog‘), aad (ot), taka (yostiq), secha (chumchuq), sov (sog‘), sari (sariq), o‘qijatir (o‘qiyotir), ertay (ertak), o‘d (o‘t), jazvotir (yozayotir), duz (tuz), opa (ona), jamg‘ir (yomg‘ir).
3-mashq. Arab, rus, tojik va o‘zbekcha so‘zlarni guruhlarga ajratib yozing.
So‘roq, purkagich, paypoq, bog‘dorchilik, haq, barkash, maorif, chiroq, stol, mansab, sanoat, panjara, yaxshi, pulemyot, dimog‘, ittifoq, undalma, gilam, obdasta, dasturxon, dars, ovqat, me'da, zavod, avlod, poydevor, darhol, mehnat, samovar, millat, patnis, hujum.
Do'stlaringiz bilan baham: |