Bоshlang‘ich ta’lim mеtоdikasi kafеdrasi оna tili nazariyasi va amaliyoti

2-mashq. O‘qing. Gaplar tarkibidagi yasama so‘zlarni aniqlang.

1. Biz bunday paytimizda qaynanamiz boshimizda danak chaqar edi...

2. – Qiziq ekansiz-ku, Norboy ota. Biz to‘g‘rimizda ozmuncha ig‘vo bo‘ldimi? Bu ham shularning biridir-da. (P.Q.) 3. Bu boyvuchcha bo‘lsa kechasi otasharavadan tushsa-yu, sahar mardonda ketmonni yelkasiga tashlab, to‘qayga jo‘nasa...(S.Ahm.) 4. Bu paytda Davjon bir nechta hovlining past-baland devorlaridan oshib, Chorchinor tarafga boradigan yolg‘izoyoq yo‘lga o‘tib olgan edi. (O.Husanov) 5. Binoyi kiyingan, xushsurat bu yigit kirib kelganida tabibboshining tosh yuragi yumshagan edi. (T.Malik) 6. Shu tarzda bir yog‘i ToshGRESdan Ko‘kterakka, ikkinchi tomoni Toshavtomashdan Yangiyo‘l rayonining chegarasiga borib tutashgan mavzelarni aylanib chiqishdi.(P.Q.)


3-mashq. O‘qing. Gaplar tarkibidagi so‘zlarni analitik sintetik jihatdan tahlil qiling.

1. Axir peshonamda bittayu bitta, yakkayu yagona qizim-a! (To‘xtamish, Hakimbek) 2. O‘zi mundoq birontasini topmaydi, qarindosh-urug‘lar topganini yoqtirmaydi.(S.Ahm.) 3. Quloq-burnilaring kesilganday bundoq o‘tiribsizlar, bolalar qani? (S.Nurov) 4. Hovli-joy, bola-chaqa qilib, yayrab-yashnashga nima yetsin, onam. (J.Abd.) 5. Mana, o‘ziga ma'lum bo‘lmagan ancha-muncha gaplardan xabar topdi. (J.Abd.) 6. Shu qaddi-qomat, shu bo‘y-basting bilan boshingga urasanmi, bu motamsaro musicha-ni! (O.Yo.) 7. Katta yo‘l, qishin-yozin ot-ulov qatnab turadi. (M.Ism.). Ertalab qattiq uxlab yotganda eshikning qo‘ng‘irog‘i ustma-ust jiringlab uyg‘otib yubordi. (P.Q.) 9. Hamma narsani og‘zida pishirdi -qo‘ydi, azamat! (O‘.Usm) 10. So‘nggi paytlarda soch-soqoli-yu, ust-boshiga qaramay qo‘ygan dadasi oyog‘iga g‘arch-g‘urch xrom etik, boshiga yangi chust do‘ppi, egniga yangi paxtalik fufayka kiyib olgan, o‘ziyam soqol- mo‘ylov-larini qaychilab, o‘n yosh yasharib ketgandi. (O.Yo.) 11. Bu ishlarni bir xudo bilsin-u, bir sizu men bilaylik.(M.Ism.)

SAVOL-JAVOB ASOSIDA TALABALAR BILIMINI ANIQLASH VA MUSTAHKAMLASH:
1. Morfologiya nimani o`raganadi?
2. So`zning qanday shakllari bor?
3. Sintetik va analitik shakllarni farqlang.
4. Juft va takroroiy shakl nima?