Boshlang’ich sinflarda matematika fanidan to’garak mashg’ulotlarini olib boruvchi rahbarlar uchun uslubiy qo’llanma

III mashg‘ulot. Dars tipidagi to‘garak mashg‘uloti.

1. 
   Matematik o‘yinlar. Sehrli kvadrat. Тez va aniq hisoblash. O‘yinni boshqarish, o‘quvchilarni qiziqtirish va sehrli kvadrat tarixi bilan tanishtirish. Mantiqiy fikrlash.
   

O’quvchilarni matematikaga qiziqtirishda, sonlar ustidagi amallarni to’g’ri bajarishlarida sehrli kvadratlardan foydalanish yaxshi natija beradi.

1.Tomoni uzunligi 3 birlikka teng bo’lgan kvadratni 9 teng kvadratchalarga ajratamiz. Bu kvadratchalarga sonlarni shunday yozish kerakki:

1)har bir qatordagi;

2)har bir ustundagi;

3)har bir diagonaldagi sonlar yig’indisi bir xil bo’lsin.

Bunday kvadratlar sehrli kvadratlar deyiladi.

Sehrli kvadratlar quyidagi xossalarga ega:

1. 
   Agar sehrli kvadratning barcha sonlarini biror songa ko’paytirsak yoki bo’lsak, kvadratning “sehrliligi” o’zgarmaydi.
   
2. 
   Agar sehrli kvadratning barcha sonlaridan bir xil sonni ayirsak yoki qo’shsak, kvadratning “sehrliligi”ga zarar yetmaydi.
   
3. 
   Ikkita bir xil tartibli sehrli kvadratlar mos kvadratchalardagi sonlar yig’indisidan tuzilgan kvadrat ham sehrli bo’ladi.