Бошқа тармоқларда бухгалтерия ҳисобининг хусусиятлари

 
ҚҚС ҳисоб-китоби ва ҳисоби 
Автотранспорт корхоналари АТВ ёрдамида бажарилган иш (кўрсатилган 
хизмат)лар, мулкни ижарага бериш, уларни сотиш, бепул бериш ва бошқа 
сотиш операциялари бўйича ҚҚС тўловчи ҳисобланади. 2008 йил 1 январдан 
кучга кирган янги Солиқ кодексига мувофиқ (208-модда) ҚҚСдан шаҳар 
йўловчилар транспортининг хизматлари (таксидан, шу жумладан йўналишли 
таксидан ташқари), шунингдек темир йўл ва умумий фойдаланишдаги 
автомобиль транспортида (таксидан, шу жумладан йўналишли таксидан 
ташқари) шаҳар атрофидаги йўналишларда йўловчилар ташиш хизматлари озод 
қилинган. Бунда шаҳар йўловчилар транспортининг хизматлари жумласига 
йўловчилар ташиш бўйича автомобиль ва электр транспорти билан шаҳар 
доирасида 
муайян 
йўналишлар 
бўйича 
қатнов 
жадвалига 
биноан 
кўрсатиладиган хизматлар киради. Солиқ кодекси ушбу моддасида белгиланган 
қоидалар умумий фойдаланишдаги шаҳар йўловчилар ташиш транспорти ёки 
темир йўл ва автомобиль транспортида ходимларни ишдан ва (ёки) ишга 
ташиш бўйича хизматларга, юридик ва жисмоний шахслар буюртмалари 
асосида шаҳар атрофида тадбирлар ўтказиш учун ташиш бўйича хизматларга 
нисбатан ҳам татбиқ этилади. Бундан ташқари, Солиқ кодексининг 216-
моддасига мувофиқ халқаро йўналишда ташишлар бўйича кўрсатиладиган 
қуйидаги хизматларни реализация қилиш оборотига ноль даражали ставка 
бўйича қўшилган қиймат солиғи солинади: 

---

*транзит юкларни Ўзбекистон Республикаси ҳудуди бўйлаб ташиш. 
Транзит юкларни ташиш жумласига юкнинг транзитини амалга ошириш учун 
чет эллик шахслар билан тўғридан-тўғри тузилган шартномалар ёки халқаро 
(идоралараро) транспорт битимлари ҳамда божхона органларининг мазкур 
транзит юклар ҳақиқатда олиб кирилганлиги ва олиб чиқилганлиги тўғрисида 
белгилари мавжуд бўлган тақдирда, Ўзбекистон Республикаси ҳудуди орқали 
чет эл транзит юкларини ташиш ва уларга хизмат кўрсатишга доир хизматлар 
киради; 
*йўловчилар, багажлар ва почтани халқаро йўналишда ташиш. Агар 
жўнатиш пункти ёки тайин этилган пункт Ўзбекистон Республикаси ҳудудидан 
ташқарида жойлашган бўлса, ташишлар ягона халқаро ташиш ҳужжатлари 
асосида расмийлаштирилган тақдирда, халқаро йўналишларда ташиш 
ҳисобланади. 
Автотранспорт корхоналарида бажарилган иш (кўрсатилган хизмат)ларга 
тўғри келадиган ҚҚС суммаси белгиланган ставка (20 фоиз) бўйича иккита 
усулда қуйидаги формулалар асосида аниқланади: