Бошқа тармоқларда бухгалтерия ҳисобининг хусусиятлари

Мулкий шаклига 
кўра автотранспорт корхоналари давлат, нодавлат ҳамда 
аралаш мулк шаклидаги корхоналарга бўлинади. 
 
Ташкилий-ҳуқуқий мақомига
кўра автотранспорт корхоналари очиқ ва 
ёпиқ турдаги акциядорлик жамиятлари, масъулияти чекланган жамият, хусусий 
корхона ҳамда давлат унитар корхонаси каби турларга бўлинади. Бу турдаги 
корхоналарни тузиш ва улар фаолиятини юритиш тартиби республикамизнинг 
махсус қонунлари ва давлат корхоналари тўғрисида Низом билан белгиланган. 
Таъсисчиларининг таркибига
 
кўра автотранспорт корхоналари маҳаллий 
ва хорижий инвестициялар иштирокидаги корхоналарга бўлинади. Хорижий 
инвестициялар иштирокидаги автотранспорт корхоналари устав капиталининг 
миқдори бошқа турдаги хорижий инвестициялар иштирокидаги корхоналар 
сингари энг камида 150000 АҚШ доллари миқдорида бўлиши, шунингдек 

---

унинг камида 30 фоизи хорижий таъсисчилар маблағларидан ташкил топиши 
лозим. 
Фаолият юритиш доирасига
кўра автотранспорт корхоналари халқаро ва 
маҳаллий миқиёсда фаолият юритувчи корхоналар ҳисобланади. Маҳаллий 
миқиёсдаги 
автотранспорт 
корхоналари, 
ўз 
навбатида, 
фаолиятини 
шаҳарлараро ва шаҳар миқиёсида юритувчи корхоналарга бўлинади.
Ихтисослашганлигига
кўра автотранспорт корхоналари юк ташиш ҳамда 
йўловчи ташишга ихтисослашган корхоналарга бўлинади. Ушбу турдаги 
корхоналар мос равишдаги автотранспорт воситаларига эга бўлади. Мос 
равишдаги транспорт воситаларига эгалик қилиш ушбу корхоналарнинг 
номланишида ҳам ўз аксини топади. Мисол учун «Автобус парки», 
«Таксомотор парки», «Автобаза», «Автожамғарма» каби номлардан ушбу 
корхоналарнинг қайси хизмат турига ихтисослашганлигини билиш мумкин.