Bosh sxemalarning turlari

Elektr jihozlarni ta'mirlash va ularga xizmat ko'rsatishda xavfsizlik qoidalari
Elektr mashinalarga xizmat ko'rsatayotganda ularning aylanuvchi qismlaridan mexanik shikast olish va elektr tokidan shikastlanish xavfi bo'ladi. Barcha aylanuvchi va tok o'tkazuvchi qismlari to'sib qo'yilgan bo'lishi kerak. Kontakt halqalari yoki kollektorni jilvirlayotganda himoya ko'zoynagini taqib olish, oyoq tagiga izolatsiyalovchi materialdan yasalgan taglik qo'yish, badanga yopishib turadigan kiyimda ishlash, yenglar panja yaqinida tugmalangan bo'lishi lozim. Faqat izolatsiyalangan dastali asbobdan foydalanish darker. Aylanayotgan motor reostatining zanjiri bilan ishlayotganda, 1000 V gacha kuchlanishli qurilmalarda ishlayotgandagidek ehtiyot choralariga amal qilish kerak. Reostat zanjiri qisqa tutashtirib qo'yilishi kerak.
Motor qismlarga ajratmasdan ta'mirlash uchun to'xtatilganda ulab-uzgich yuritmasiga «Ulamang — odamlar ishlayapti» yozuvli plakat osib qo'yiladi. 1000 V dan katta kuchlanishli mashinalarni qo'lda ishga tushirish va to'xtatishda qo'lqop va kalish kiyib olish yoki rezina poyandoz ustida turish kerak. Plakat osib qo'yilgandan keyin tarmoqning uzilgan qismida kuchlanish yo'qligi tekshiriladi.
1000 V gacha kuchlanishli o'zgaruvchan tok elektr uskunalarida bu tekshiruvni bir qutbli kuchlanish ko'rsatkichi bilan bajargan ma'qul. U izolatsiyalovchi korpus 2 li avtoruchka ko'rinishida tayyorlanadi. Metall shchupni o'tkazgichga tekkizib, qo'l barmog'i metall kontakt 3 ga qo'yiladi. Elektr zanjiri odam orqali tutashadi: kuchlanish bo'lsa, korpus ichidagi neonli lampa 4 yonadi. Polning o'tkazuvchanligi yomon bo'lganda xatoga yo'l qo'ymaslik uchun ikkinchi qo'l yerga ulangan narsaga tekkiziladi.