Book · May 020 citations reads 4,215 13 authors

3.3.1. Лицензия талаблари ва шартлари
Дори воситалари ва тиббий буюмларни чакана реализация қилиш учун 
қуйидагича лицензия талаблари ва шартлари мавжуд: 
а) дори воситалари ва фармацевтика фаолияти тўғрисидаги қонун 
ҳужжатларига, шунингдек дори воситалари ва тиббий буюмлар муомаласини 
техник жиҳатдан тартибга солиш соҳасидаги норматив ҳужжатлар 
талабларига мажбурий риоя этиш; 
б) юридик шахс штатида камида бир ходим — олий фармацевтик 
маълумотига эга бўлган, қонун ҳужжатларининг аниқланган бузилиши, шу 
жумладан дори воситалари ва тиббий буюмларнинг нархини белгилаш 
тартиби қўпол бузилганлиги оқибатида лицензиясининг амал қилиши 
тўхтатилган дорихоналарнинг ходимлари реестрига киритилмаган дорихона 
мудирининг мавжудлиги; 
в) лицензиат томонидан дорихона филиали очилишида — юридик 
шахс штатида камида бир ходим — олий фармацевтика маълумотига ёки 
фармацевт ассистенти (ёрдамчиси) ихтисослиги бўйича ўрта махсус касбий 
маълумотга эга бўлган дорихона филиали мудирининг мавжудлиги; 
г) ходимлар реестрига киритилмаган шахслардан дорихона ва 
дорихона филиали ходимлари таркибини шакллантириш; 
д) белгиланган тартибда дорихона ва/ёки дорихона филиали мудири 
малакасини ошириш; 
е) дори воситалари ва тиббий буюмларни чакана сотиш учун 
мўлжалланган, ўзига мулк ҳуқуқи билан ёки бошқа қонуний асосда тегишли 
бўлган, талабларга мувофиқ ҳамда қонун ҳужжатларининг аниқланган 
бузилиши, шу жумладан дори воситалари ва тиббиёт буюмларининг нархини 
белгилаш тартиби қўпол бузилганлиги оқибатида лицензиясининг амал 
қилиши тўхтатилган дорихона, дорихона филиалининг манзиллари реестрига 
киритилмаган бино (хоналар)нинг мавжудлиги; 
ж) амалдаги меъёрий ҳужжатлар асосида белгиланган талабларга 
мувофиқ моддий-техник базанинг мавжудлиги; 

---

132 
з) дорихона мудири (дорихона филиали мудири) ўзгариши, дорихона 
филиали ёпилиши ҳақида мазкур ҳолат юз бергандан сўнг ўн кун муддатда 
лицензияловчи органга белгиланган шакл бўйича тузилган ёзма равишда 
хабарнома тақдим этиш; 
и) белгиланган ҳолатлар, муддатлар ва миқдорларда йиғим ва давлат 
божларини тўлаш.