Book · May 020 citations reads 4,215 13 authors

3. Назорат техникаси 
Шиша идишнинг (флаконнинг) ҳажмига қараб, бир вақтнинг ўзида 
биттадан бештагачаси кўздан кечирилади. 
Шиша идишлар (флаконлар) битта ёки иккала қўлга бўғзидан ушлаб 
олинади, назорат зонасига киритилади, оҳиста ҳаракат билан «ости устига» 
тўнтарилади ва қора ҳамда оқ фонларда кўздан кечирилади, сўнг оҳиста 
ҳаракат билан, силкитмасдан «усти остига» дастлабки ҳолатига ағдарилади 
ва яна қора ва оқ фонларда кўздан кечирилади. 
Назорат қилиш муддати тегишлича: 
100 мл сиғимли битта шиша идиш (флакон) учун — 20 сониягача; 
50 мл сиғимли иккита шиша идиш (флакон) учун — 10 сония;
50 мл сиғимли иккитадан бештагача шиша идиш (флакон) учун — 8 
сонияни ташкил қилади. 
Кўрсатилган назорат муддати ёрдамчи операцияларга сарфланган 
вақтни ўз ичига олмайди. 
Стерилизациядан кейин яроқсиз деб топилган шиша идишлар 
(флаконлар) ажратилади ва махсус идишга жойланади. 

---

297 
Назорат саволлари 
1. Дорихона муассасаларида дори воситалар сифатини таъминлаш учун 
қандай талаблар бажарилиши керак? 
2. Назорат турлари хақида тушунча беринг? 
3. Ёзма назорат паспортида нималар акс эттирилади? 
4. Стерил эритмалар тайёрлашда механик аралашманинг бор йўқлигини
текшириш неча босқичда амалга оширилади? 
5. Вазирлар Махкамасининг 2016 йил 27 октябрьдаги 365-сонли қарори 
тўғрисида маълумот беринг? 
6. Дорихонада тайёрланадиган ва идишга жойланадиган дори 
воситаларини ташқи безаги хақида тушунча беринг? 
7. Дорихонада тайёрланадиган дори шаклларининг сақлаш муддатлари 
хақида умумий маълумотлар беринг? 
8. Физик назорат бу-.........7 
9. Тозаланган сувни тозаланмаган сувдан фарқларини изоҳланг? 
10. Санитария қоидалари деганда нимани тушунасиз? 

---

298