Book · May 020 citations reads 1,735 authors: Some of the authors of this publication are also working on these related projects

 
 
1.
СТАНДАРТЛАШТИРИШНИНГ АСОСИЙ МАҚСАДЛАРИ 
 
Стандартлаштиришнинг асосий мақсадлари: 
маҳсулотлар, жараѐнлар, ишлар ва хизматларнинг (бундан буѐн матнда 
«маҳсулот» деб юритилади) аҳолининг ҳаѐти, соғлиғи ва мол-мулкига, атроф муҳит учун 
хавфсизлиги, ресурсларни тежаш масалаларида истеъмолчилар ва давлат манфаатларини 
ҳимоя қилишдан; 
маҳсулотларнинг ўзаро алмашинувчанлигини ва бир-бирига мос келишини 
таъминлашдан; 
фан ва техника тараққиѐти даражасига, шунингдек аҳолининг ҳамда халқ 
хўжалигининг эҳтиѐжларига мувофиқ ҳолда маҳсулот сифатини ҳамда рақобат қила олиш 
имконини оширишдан; 
барча турдаги ресурслар тежалишига кўмаклашишдан, ишлаб чиқаришнинг 
техник-иқтисодий кўрсаткичларини яхшилашдан; 
ижтимоий-иқтисодий, илмий-техникавий дастурлар ва лойиҳаларни амалга 
оширишдан; 
табиий ва техноген фалокатлар ҳамда бошқа фавқулодда вазиятлар юзага келиш 
хавф-хатарини ҳисобга олган ҳолда халқ хўжалиги объектларининг хавфсизлигини 
таъминлашдан; 
истеъмолчиларни ишлаб чиқарилаѐтган маҳсулот номенклатураси ҳамда сифати 
тўғрисида тўлиқ ва ишончли ахборот билан таъминлашдан; 
мудофаа қобилиятини ва сафарбарлик тайѐрлигини таъминлашдан; 
ўлчовларнинг ягона бирликда бўлишини таъминлашдан иборатдир. 
Ўзбекистон Республикасида стандартлаштириш ишларини ўтказишнинг умумий 
ташкилий-техник қоидаларини тартибга солиб турувчи стандартлаштириш тизими фаолият 
кўрсатади. 
Стандартлаштириш ишларини ташкил этиш, мувофиқлаштириш ва таъминлашни:
халқ хўжалиги тармоқларида — Ўзбекистон стандартлаштириш, метрология ва 
сертификатлаштириш агентлиги («Ўзстандарт» агентлиги);
қурилиш, қурилиш индустрияси соҳасида, шу жумладан лойиҳалаш ва 
конструкциялашда — Ўзбекистон Республикаси Давлат архитектура ва қурилиш қўмитаси;
табиий ресурслардан фойдаланишни тартибга солиш ҳамда атроф муҳитни 
ифлосланишдан ва бошқа зарарли таъсирлардан муҳофаза қилиш соҳасида — Ўзбекистон 
Республикаси Табиатни муҳофаза қилиш давлат қўмитаси;
тиббиѐт учун мўлжалланган маҳсулотлар, шу жумладан тиббиѐт учун 
мўлжалланган буюмлар, тиббий техника буюмлари, дори воситалари соҳасида, шунингдек 
Ўзбекистон Республикасида ишлаб чиқарилаѐтган, шу жумладан импорт бўйича етказиб 
берилаѐтган маҳсулотларда инсон учун зарарли моддалар мавжудлигини аниқлаш 
масалаларида — Ўзбекистон Республикаси Соғлиқни сақлаш вазирлиги; 
мудофаа қобилиятини ва сафарбарлик тайѐргарлигини таъминлаш, мудофаа 
аҳамиятига молик маҳсулотлар соҳасида — Ўзбекистон Республикаси Мудофаа вазирлиги 
амалга оширади. 
«Ўзстандарт» агентлиги, Ўзбекистон Республикаси Давлат архитектура ва 
қурилиш қўмитаси, Ўзбекистон Республикаси Табиатни муҳофаза қилиш давлат қўмитаси, 
Ўзбекистон Республикаси Соғлиқни сақлаш вазирлиги ва Ўзбекистон Республикаси 

---

136 
Мудофаа вазирлиги стандартлаштириш ишларини бажаришни ўз ваколатлари доирасида 
бошқа ташкилотларга топширишга ҳақлидир. 
Стандартларни тасдиқлаган органлар стандартларга доир тармоқ ахборот 
жамғармаларини ҳосил қиладилар ва юритадилар ҳамда манфаатдор истеъмолчиларни 
халқаро (давлатлараро, минтақавий) стандартлар, Ўзбекистон Республикаси стандартлари, 
хорижий мамлакатларнинг миллий стандартларига доир ахборотлар билан, шунингдек 
стандартлаштириш соҳасидаги халқаро шартномалар, техник-иқтисодий ҳамда ижтимоий 
ахборот давлат классификаторлари, стандартлаштириш қоидалари, нормалари ва 
тавсияларига оид ахборотлар билан таъминлайдилар. 
Стандартларни нашр қилиш ва қайта нашр этишни уларни тасдиқлаган органлар 
амалга оширадилар.