Bolalarda Candidali tashqi otitni davolashda 1% klotrimazol eritmasi yoki 1% naftifin eritmasidan foydalanish tavsiya etiladi

Bolalarda Candidali tashqi otitni davolashda 1% klotrimazol eritmasi yoki 1% naftifin eritmasidan foydalanish tavsiya etiladi. Mahalliy zamburug`larga qarshi davoni tanlash labaratoriyada qo`zg`atuvchining zamburug`ga qarshi preparatlarga chidamliligi natijalariga asoslanadi.
1% li klotrimazol eritmasidan quloqni yuvish va kuniga 2 marta 10 daqiqadan turunda quyishda foydalaniladi. Davolash kursi 1 oyni tashkil etadi.
1% li naftifin eritmasidan quloqni yuvish va kuniga 2 marta 15 daqiqadan turunda quyishda foydalaniladi. Davolash kursi 1 oydan kam bo`lmagan muddatda.
Quloq suprasi va quloq oldi sohalarining kandidali zararlanishida, bolalarda 1% li klotrimazol kremini qo`llash xavfsiz va samarali xisoblanadi. Zararlangan teri sohasiga 1 kunda ko`pi bilan 2 mahal surtiladi. Davo muddati 10 kundan kam bo`lmasligi tavfsiya etiladi. Mog`or va dimorf zamburug`lar keltirib chiqargan tashqi otitni mahalliy zamburug`ga qarshi davolashda, naftifinning 1% li eritmasi samarali va xavfsiz dori hisoblanadi. Kandidozli yallig`lanish kabi, dori quloqni yuvish va kuniga 2 marta 15 daqiqadan turunda quyishda foydalaniladi. Davolash kursi 1 oydan kam bo`lmagan muddatda. 6yoshdan katta tashqi eshtuv yo`li kandida-bakterial infeksiya bilan zararlangan bemorlarda, uzida antibakterial, zamburug`ga qarshi, yallig`lanishga qarshi, allergiyaga qarshi va mahalliy anestetiklarni tutuvchi kombinirlangan preparatlardan foydalanish ruxsat etiladi. Mamlakatimizda ro'yxatdan o'tgan kombinirlangan mahalliy preparatlarga: levomitsetin, klotrimazol, beklometazon dipropionat, lidokain gidroxlorid monohidrat, glitserin va propilen glikol kiradi. Preparat Gram-musbat va gramm-manfiy bakteriyalarga qarshi yuqori faollikka ega, uning tarkibida keng spektrli antibiotik- Levomitsetin a. bor.
Preparat kandida avlodiga zamburug`ga qarshi faol aktivlikka ega sababi uni tarkibida tasir ko`rsatuvchi modda –klotrimazol bor. Preparat quloq tomchilari shaklida ishlab chiqariladi. Davo muddati 7-10 kunni tashkil etadi. Preparat tashqi eshtuv yo`lining jarohatlangan qismiga 4-5 tomchidan tomiziladi, kun davomida ko`pi bilan 3-4 marta foydalanish mumkin.
Bolalarda mog`or zambrug` va bakteriya shtamlarining zambrug`-bakteriya assotsatsiyasi aniqlansa tashqi otitni davolash uchun xlornitrofenol preparatini qo'llash tavsiya etiladi. Preparat 1% li eritma shaklida ishlab chiqariladi. Zambrug`larning turli shtammlariga fungitsid ta'siridan tashqari, xlornitrofenol gram-musbat va gramm-manfiy bakteriyalarga qarshi faol ta`sir ko`rsatadi. Preparat quloqni yuvish va kuniga 2 marta 15 daqiqadan turunda quyishda foydalaniladi. Davolash kursi-1 oy.
Bolalarda zambrug`li tashqi otitni davolashda odatda sistemali zambrug`ga qarshi preparatlarni buyurish tavfsiya etilmaydi. Mahalliy zambrug`ga qarshi vositalar bilan davolash yetarli. Tashqi otitni davolashda, patogen turidan qat`iy nazar turli guruhlarning mahalliy ta`sirli preparatlarini qo`llash maqsadga muvofiq. Kandidozli tashqi otitda klotrimazolning 1% eritmasi va naftifinning 1% eritmasi kombinatsiyasini 10-14 kun davomida
kuniga 2 marta 5-10 daqiqa davomida surtiladi. Davolash klinik belgilar kamaygandan keyin 14 kun davomida yoki 3 marta ketma ket salbiy laboratoriya tekshiruvi olgancha davom etadi. Kandidomikozni bifonazol, mikonazol, natamitsin, ekonazol yoki oksikonazol bilan ham davolash mumkin.
Mog'or zambrug`lari keltirib chiqaradigan tashqi otitlarni mahalliy davolashda xlornitrofenol va naftifinning 1% eritmasi tanlangan dorilar bo'lib, ular tashqi eshitish yo'li terisiga kuniga 2 marta 5-10 daqiqadan 10-14 kun foydalaniladi. Shuningdek, klinik belgilar pasayganidan keyin 14 kun davomida yoki 3 marta salbiy laboratoriya natijasini olguncha davolashni davom ettirish kerak.