«Болалар юқумли касалликлари» фани бўйича Педиатрия факультетларининг 7 курс талабалари учун амалий кўникмалар

Керакли анжомлар: Пробирка, пипетка, стерилланган резина қўлқоп, штатив, 1% ли йоднинг спиртли эритмаси.
Бажариладиган босқичлар (қадамлар):

№	Тадбирлар
1.	Стерилланган резина қўлқоп кийилади
2.	Чап қўлга тоза пробирка олинади
3.	Пробиркага беморнинг сийдигидан 4-5 мл солинади
4.	Сийдикли пробирка штативга жойлаштирилади
5.	Ўнг қўл билан пипетка олинади
6.	Пипетка билан 1% ли йоднинг спиртли эритмаси олинади
7.	Пробирка девори бўйлаб аста-секин 1% ли йоднинг спиртли эритмаси сийдик билан туташгунча солинади
8.	10-15 сония кутилади
9.	Агар реакция ижобий бўлса сийдик ва йод туташган соҳада яшил халқа ҳосил бўлади
10.	Яшил халқа рангининг тўқлигига қараб билирубин даражаси аниқланади
	Жами

8. Бемордан гемокультурага қон олиш қоидаси (ТПК мисолида).
Мақсад: Қонда бактерияларни аниқлаш.
Кўрсатма: Ташхиси ноаниқ ва 3 кундан ортиқ иситмалаган беморлардан олинади.
Керакли анжомлар: Стерилланган резина қўлқоп, ўтли бульон ёки Раппопорт озуқаси солинган флакон (50-100 мл), спиртовка, бир марта ишлатиладиган шприцлар (5-10 мл), спирт (70º), жгут, стерилланган пахта, ниқоб, лабораторияга йўлланма варақаси.
Бажариладиган босқичлар (қадамлар):

№	Тадбирлар
1.	Стерилланган резина қўлқоп кийилади ва ниқоб тақилади, бемор ён томонга қараган ҳолда ўтиради
2.	Ўтли бульон ёки Раппопорт муҳити хона ҳарорати даражасида иситилади
3.	Беморнинг билаги тирсагидан юқорисига жгут қўйилади
4.	Билак юзаси спирт (70º) шимдирилган стерилланган пахта билан артилади
5.	Бемор томиридан шприц орқали 5-10 мл қон олинади
6.	Жгут олиб ташланади, игна олинган ерга спирт (70º) шимдирилган пахта қўйилади, бемор билаги букилади
7.	Ўтли бульон ёки Раппопорт муҳити олинган флакон спиртовка устида очилади
8.	Спиртовка алангаси устида олинган қон ўтли бульонга ёки Раппопорт муҳитига 1:10 нисбатида экилади
9.	Қон солинган флакон оғзи қопқоғи билан спиртовка алангаси устида беркитилади
10.	Йўлланма варақасига бемор маълумотлари ёзилади ва бактериологик лабораторияга юборилади
	Жами