«Болалар юқумли касалликлари» фани бўйича Педиатрия факультетларининг 7 курс талабалари учун амалий кўникмалар

9. Кўкйўтал касаллигида бемордан бактериологик текшириш учун “йўтал пластинка” усулида намуна олиш қоидаси.
Мақсад: Ташхисни тасдиқлаш ва даво чораларини танлаш учун кўкйўтал қўзғатувчисини ажратиб олиш.
Кўрсатма: Давомли йўталаётган беморлар.
Керакли анжомлар: Казеин-кўмир агари ёки Борде-Жангу муҳитли Петри косачаси, лабораторияга йўлланма варақаси, стерилланган резина қўлқоп, ниқоб, стерилланган шпател.
Бажариладиган босқичлар (қадамлар):

№	Тадбирлар
1.	Стерилланган резина қўлқоп кийилади, ниқоб тақилади
2.	Беморни стулга ўтқизилади
3.	Бемордан оғзини очиш ва тилини чиқариш сўралади
4.	Ўнг қўлга стерилланган шпател олинади
5.	Эҳтиётлик билан шпателни бемор оғзига киритилади
6.	Шпател билан халқум орқа деворини қитиқлаш орқали йўтал рефлекси чақирилади
7.	Бемор йўталган вақтда озуқа муҳитли Петри косачасини очиб бемор оғзидан 5-8 см масофада тутилади
8.	Бемор 5-6 марта йўталганда ажралган шиллиқ Петри косачасидаги озуқа муҳитга ўтиради
9.	Петри косачаси ёпилади
10.	Лабораторияга йўлланма варақасига беморнинг маълумотлари ва тахминий ташхиси ёзилади, лабораторияга юборилади
	Жами