«Болалар юқумли касалликлари» фани бўйича Педиатрия факультетларининг 7 курс талабалари учун амалий кўникмалар

10. Беморнинг бурун шиллиқ пардаларидан суртма олиш қоидаси.
Мақсад: Касаллик қўзғатувчисини аниқлаш.
Кўрсатма: Юқори нафас йўллари касалликлари ва бактерия ташувчиликка текшириш.
Керакли анжомлар: Стерилланган резина қўлқоп, ниқоб, зангламайдиган темир ёки ёғоч таёқчага пахта ёки марли ўралган тампон, озиқ муҳити солинган стерилланган пробирка, лабораторияга йўлланма варақаси.
Бажариладиган босқичлар (қадамлар):

№	Тадбирлар
1.	Беморни қулай ўтқизилади
2.	Стерилланган резина қўлқоп кийилади, ниқоб тақилади
3.	Бурун шиллиқ қаватидан суртма олиш учун тампондан фойдаланилади
4.	Зангламайдиган темир ёки ёғоч таёқчага пахта ёки марли ўраб аста пробиркага солиб қўйилади
5.	Шиллиқ олиш учун тайёрланган тампон олдиндан стерилизация қилинади
6.	Бурундан суртма олишдан олдин бемордан бурунни яхшилаб қоқиш сўралади ёки қуруқ тампон ёрдамида ичидаги ажралмалар тозаланади
7.	Тампон буруннинг ҳар икки бўшлиғи деворларига ботириб суртиб олинади
8.	Олинган модда зудлик билан олдиндан тайёрланган озуқа муҳитга экилади
9.	Лабораторияга йўлланма варақасига беморнинг маълумотлари ва тахминий ташхиси ёзилади
10.	Олинган суртма (намуна) лабораторияга юборилади
	Жами