Bolalar sporti asoslari

Tayyorgarlik musobaqalarining asosiy maqsadi – kurashchilarni musobaqa sharoitlariga moslashtirish, musobaqa faoliyatining oqilona texnik-taktik harakatlarni mustahkamlash, musobaqa tajribasini egallash.
Nazorat musobaqalarida sportchining imqoniyatlari tekshiriladi, uning tayyorgarlik darajasi, bosib o`tilgan tayyorgarlik bosqichi samaradorligi aniqlanadi. Ko`rsatilgan natijalar aosida kurashchilarning kelgusidagi tayyorgarlik dasturi ishlab chiqiladi.
Saralash musobaqalari natijalari bo`yicha asosiy musobaqalarning ishtirokchilari aniqlanadi.
Asosiy musobaqalarning bosh maqsadi – g’alabaga erishish yoki imqoni boricha yuqori o`rinlarni egallashdan iborat.
Musobaqalarni tashkil qilish va o`tkazish uchun ikkinchi muhim hujjat – bu musobaqa nizomidir.
Musobaqa kalendar reja va kurash bo`yicha musobaqa qoidalari asosida tuziladi. Musobaqa nizomi quyidagi bo`limlarni o`z ichiga oladi.
Musobaqa maqsadi va vazifalari
Bu bo`limda musobaqa o`tkazayotgan tashkilotning o`z oldiga qo`yadigan asosiy maqsadi va vazifalari ochib beriladi:
- sport jamoalarida o`quv-mashg’ulotlar va tarbiyaviy ishlarning ahvolini tekshirish;
- terma jamoa tarkibini to`ldirish maqsadida eng yaxshi kurashchilarni vazn toifalari bo`yicha saralab olish;
- sport tashkilotlari va sportchilar o`trasida do`stlik aloqalarini mustahkamlash;
- aholi o`rtasida yunon-rim kurashini ommalashtirish va yoshlarni kurash bilan muntazam shug’ullanishga jalb qilish.