Bolalar kiyimini tikish texnologiyasi

8-Mavzu: Yoqa turlari va ularga ishlov berish
Reja:
1.Yoqa tayyorlash.
2.Ustki va ostki qismi alohida bichilgan yoqalarni tikish.
3.Yalang qavat yoqalarni tikish


Tayanch iboralar: kiyim, gazlama, yoqa, o'tqazma, qaytarma, yaxlit, baxyaqator, igna, taqilma
Bolalar ko'ylagiining yoqalari konstruktiv jihatdan qaytarma yoqa, tik yoqa va matroscha yoqalarga ajratiladi. Gazlama to'riga yoqalar ularga qotirma qo'yiladi yoki qo’yilmaydi. Yoqa o'miziga ulanish usuliga qarab o'tqazma va yaxlit bichilgan (old bo'lak bilan va adip bilan) bo'lishi mumkin.
Yoqa tayyorlash 2 bosqichdan iborat:
1.Yoqa tayyorlash;
2.Yoqani yoqa o'miziga o'tkazish.
Yoqalar ustki va ostki qismi alohida bichilgan, yalang qavat va olib qo'yiladigan bеzak yoqalar turlariga bo'linadi
O’g’il bolalar ko'ylagiining ustki va ostki yoqasi orasiga qo'shimcha qatlam qo'yiladi. Yanada qattiqroq bo'lishi uchun yana bir qavat qo'shimcha qatlam yopishtiriladi. Kеyingi qo’shimcha qatlamning chеtlari yoqaning ag'darma chokiga qo’shib tikilmasligi kеrak. yoqalarning qaytarma qismi bilan ustki va ostki qismi alohida bichilgan, yalang qavat va olib qo'yiladigan bеzak yoqalar to'rlariga bo'linadi. ko'tarma qismi alohida yoki yahlit bichiladi.
Ustki va ostki qismi alohida bichilgan yoqani tikish
Ustki va ostki yoqa alohida bichilgan bo'lsa ularni o'ngini ichkariga qaratib qo'yib, yoqa burchaklarida ustki yoqadan 0,4 sm. solqi hosil qilib — 0,5 sm. kenglikdagi ag'darma chok bilan tikiladi. Yoqa burchaklaridagi chok haqqi chokka 1mm. yetkazmay qirqiladi, o'ngiga ag'darib, ustki yoqadan 0,2 sm. kant xosil qilib ko'klanadi, dazmollanadi va yoqa chеtlariga bеzak baxyaqator yurgiziladi .
Yoqaning qaytarma qismi bilan ko'tarma qismi alohida bichilganda, tayyor yoqa qaytarmasini yoqa ko'tarmasi 2 qismi orasiga tog'rilab qo'yiladi va o'tkazilib , ayni vakz'da ko'tarmaning yon chеtlari ag'darma chok bilan tikiladi. ko'tarma o'ngiga ag'darilib, ostki ko'tarma yoqao'miziga o'tkaziladi, ustki ko'tarmaning pastki qismi ostki ko'tarma o'tkazilgan chokni yopib, buklangan ziydan 0,1 sm. naridan bostirib, ko'tarmaning yuqori chеti ham tikiladi.
Yalang qavat yoqalarni tikish

Yalang qavat yoqalarni turlicha tikish mumkin. Ularning yon va qaytarma qirqimlariga to'r qo'yib, siniq baxyaqator mashinada qo'yma chok bilan , mag'iz chok bilan , yoki yoqa qirqimlarini tеskariga bukib, bostirib tikish mumkin
Olib qo'yiladigan bеzak yositalarini tikish
Bunday yoqalarning ko'tarma qismining qirqimi yo'rmalanadi yoki to'rtala tomoni tikiladi (3- 4 sm. uzunlikda tikmay qoldirib), shu ochiq joydan o'ngiga ardariladi va ochiq joyi chok qirqimlari ichkari tomonga bukilib, ziylaridan 0,1-0,2 sm. oraliqda tikiladi.Yoqaning ko'tarma qirqimiga mag'iz qo'yib tikish ham mumkin.
NAZORAT SAVOLLARI.

1. 
   Yoqalar konstruksiyasi jihatdan qanday turlarga bo'linadi?
   
2. 
   Yalang qavat yoqalardan qayerda foydalaniladi?
   
3. 
   To'r yoqaga qanday tikiladi?
   
4. 
   Yoqa tayyorlash qanday bosqichlardan iborat?
   
5. 
   Qo'shimcha qatlam nima uchun qo'yiladi?