Bolalar kiyimini tikish texnologiyasi

Ko'ylakning ko'krak qismini yubkaga ulash va kiyim etagini tikish
Ko’ylakning ko'krak qismini yubkaga ulash uchun oldin yubka choklari tikilishi kerak. Bunda yubkada vitochka, taxlama, burma bo'lsa, ular tikib olinadi. Choklar yorib yoki bir tomonga yotqizib dazmollanadi. Yubkada burmaga o'xshash mayda taxlamalar bo'lsa (67- a rasm), bu taxlamalar kertimlarga to'g'rilab buklab, universal mashinada qirqimlardan 0,7-1,0 sm oraliqda uqa qo'yib yoki qo'ymay, bahyaqator yuritib chiqiladi (67- b rasm).
Taxlama bo'lmay, burma hosil qilinadigan bo'lsa, yubka detalining yuqori qirqimidan 1,2-1,5 sm oraliqda ikkita bahyaqator yuritiladi, bahyaqatorlar orasidagi oraliq 0,1-0,3 sm. Bahyaqator ipini tortib, burma bir tekis taqsimlanadi.
Yubkaning o'ngini ichkariga qaratib, ko'ylak ko'krak qismining o'ngini yuqoriga qaratib, yubka ichiga kiydiriladi va qo'lda to'g'ri sirma qaviqlar bilan yubkaga ko'krak qismi ko'klab ulanadi. Ko'klangan qaviqqatordan 0,1 -0,2 sm oraliqda universal mashinada ulanadi. Biriktirma chok cho'zilib ketmasligi uchun ikkita parallel bahyaqator yuritiladi. Bunda qo'sh ignali mashina ishlatish mumkin (67- d rasm).
Chok haqi maxsus mashinada yo'rmaladi va chok haqi modelda ko'rsatilgan tomonga yotqizib dazmollanadi (67- e rasm). Ko'klangan iplar so'kib tashlanadi.
Ko'ylakning ko'krak qismi bilan yubkani ulashda qo'yma burma qo'yiladigan bo'lsa (67- f rasm), oldin qo'yma burma ikkala detaldan biriga ulanadi. Bunda mashinaga maxsus tepki qo'yib, burma hosil qilib ulab olinadi. Keyin ko'ylakning ko'krak qismi yubkaga ko'klab ulanadi va mashinada ikkita bahyaqator yuritib, ulanadi. Ko'klangan iplarni so'kib tashlab, qirqimlarni yo'rmab, dazmollanadi.

Nazorat uchun savollar:
1.”Molniya” tasmali taqilma deganda qanday taqilmani tushunasiz?
2.Bolalar kiyimi ko’ylak bel qismi ko’krak qismiga necha sm chok bilan ulanadi?
3.Bolalar kiyimi etak qismi necha sm chok bilan tikiladi?

18- Мavzu: Bolalar shimini mayda detallarini tikish texnologiyasi.
Reja:
1.Bolalar shimini tikish ketma-ketligini tuzish
2..Mayda bo’laklarini tayyorlash
3.Vitichkalarga ishlov berish
4.Shim asosiy bo’laklariga NII berish