Bolalar kiyimini tikish texnologiyasi

Shim astariga ishlov berish
Shimning tizza qismi chozilmasligi uchun unga astar qo’yiladi (astarning bukish ùaqini 10-15 sm hisobga olmay bichiladi)
Bichishdan oldin astarli gazlama dekatirlanadi.
Shim astari old bo’lak avrasiga moslab bichiladi.
Astarning (pochasiga) ostki qirqimi maxsus mashinada yo’rmalanadi; yopiq qirqimli bukma chok bilan bukib tikiladi yoki maxsus qaychida arra tishli qilib qirqiladi.
Stol ustiga, old bo’lak astariga o’ngini pastga qaratib yoziladi, uning ustiga shim avrasining o’ngini yuqoriga qaratib qoyiladi.
Shim avrasining astariga qirqimlardan 3-4 sm oraliqda qo’yiladi va yirikligi 1-1,5 sm to’g’ri sirma qaviq bilan bostirib ko’klanadi. Shim avrasidagi vitochkalar joyida astardan taxlama hosil qilib ko’klanadi.
Shim old bo’lagining yon va odim qirqimlari astar bilan birga maxsus mashinada yo’rmalanadi.
Ort bo’lakning yon odim va o’rta qirqimlari ham yo’rmalanadi.
Yo’rmash ishlari shimning o’ngi tomonidan bajariladi.
Kamar tutkichga ishlov berish
Kamar tutkich - bu shim belbog’idagi asosiy bo’lak hisoblanadi.
Kamar tutkich asosan 2 ta bo’lakdan iborat bûlib, asos va astar bo’laklaridir. Ko’pincha o’rta qalinlikdagi matolardan shim tikilganda kamar tutkich bitta asos matodan bo’ylama ip yo’nalishi bo’yicha bichib olinadi va ag’darma chok yoki maxsus buklagich mashina yordamida buklab tikiladi.
Modelga ko’ra belbogg’a kamar tutkich bo’lsa, uni shim yuqori bel qismiga ulash paytida belbog’ tagiga kamar tutkichni pastki qirqimiga qo’yib, ularni belbog’ ulaydigan choklar perpendikulyar joylab tikiladi. Kamar tutkichning yuqori qirqimini ichkariga bukib, kamar o’tishiga soliqi hosil qilib, bukilgan ziyidan 1-2 mm oraliqda bostirib tikiladi. Kamar tutkich modelga qarab shim beliga qarab joylashtiriladi.
NAZORAT SAVOLLARI
1. Shim orqa vitochkasining uzunligi necha sm bo’lishi kerak?
2. Shim old bo’lagida nima uchun taxlama ishlanadi?
3. Shim odim qirqimlarini ishlashda chok kengligi qancha bo’ladi?
4. Shim pochasi nima sababdan tasma bilan ishlanadi?
5.Shim old bo’lagiga nima uchun astar qo’yiladi?
6.Shim astar uzunligi asosiy uzunlikdan necha sm da joylashadi?