Bolalar kasalliklari propedevtikasi

Giperstenuriya  siydikning  solishtirma  og‗irligini  yuqori  bo‗lishi(1030  va 
undan yuqori) kam suyuqlik iste‘mol qilinganda, qandli diabetda kuzatiladi. 
Buyrak va siydik yo‘llari kasalliklari. 
O‗tkir  glomerulonefrit-  infeksion  allergik  kasallik  bo‗lib,  buyrakda  ikki 
tomonlama diffuz yallig‗lanish boshlanib, asosan buyrak koptokchalari zararlanadi. 
Ko‗proq kasallanish bolalarda 3-7 yoshli davriga to‗g‗ri keladi. Kasallikning kelib 
chiqish  sababi  skarlatina  bilan  og‗rigandan  keyin,  takror-takror  bo‗lib  o‗tgan 
anginalar, xronik tonzillitlar, o‗tkir respirator kasalliklardan so‗ng uchraydi. Asosiy 
sababi beta –gemolitik streptokokkning A gruppasi chaqiradi. 
O‗tkir  glomerulonefritda  kasallik  tana  haroratini  ko‗tarilishi  bilan 
boshlanadi.Kasallik  avjiga  chiqqan  paytida  turtta  klinik  sindromlardan  biri  ustun 
turishi mumkin: 1.Shu formadagi glomerulonefritning klassik boshlanishi bo‗lmish 
nefritik  sindrom(badanda  shishning  bo‗lishi,gipertenziya,siydik  sindromi). 
2.Nefrotik  sindrom  3.Yakka  holdagi(shishlar  va  gipertenziyasiz)  siydik  sindromi. 
4.Gematuriya  va  gipertenziya  bilan  birga  boradigan  nefrotik  sindrom.  Nefritik 
sindromda  shishlar  va  gipertenziya  keskin  ifodalanmaydi,  gematuriya  doimiy 
simptom  bo‗ladi.  Shishlar  avval  ko‗z  qovoqlari  sohasida  paydo  bo‗ladi,yuz 
shishinqirab,teri  rangi  oqaradi.  Arterial  bosim  o‗rtacha  darajada  ko‗tariladi,  8-10- 
kunga  kelib  odatda  normallashadi.  Gematuriya  –aksari  hollarda  makrogematuriya 
bilan  boshlanadi,bunda  siydik  go‗sht  seliga  o‗xshab  qoladi,shu  narsa  ota-onalarni 
bolani  vrachga  olib  borishga  majbo‗r  qiladi.  Sutkalik  siydik  miqdori  kamayadi, 
siydik tarkibida oqsillar paydo bo‗ladi.