Bolalar kasalliklari propedevtikasi

O‘RTA VA PASTKI NAFAS YO‘LLARI. 
Hikildoq  –  erta  yoshdagi  bolarda  voronkasimon  tuzilishda,  kattalarda 
silindrsimon  bo‗lib,  kattalarga  nisbatan  yuqorida  joylashgan  bo‗ladi.  Bolalarda 
ovoz  tirqishi  IV  bo‗yin  umurtqasiga,  kattalarda  VII-  bo‗yin  umurtqasiga  to‗g‗ri 
keladi.  Tog‗aylari  nozik,  egiluvchan,  ovoz  yorig‗i  tor,  shilliq  qavati  qon-tomir  va 
limfa  tomirlarga  boy,  limfa  bezlari  yaxshi  rivojlanmagan.Ovoz  yorig‗i  6-7 
yoshgacha  tor  bo‗ladi.Chin  ovoz  boylami  kattalarga  nisbatan  kalta  bo‗lganligi 
sababli  yosh  bolalarning  ovoz  tembri  yuqori  bo‗ladi.  12  yoshda  ovoz  boylami 
o‗g‗il bolalarda qizlarga nisbatan uzun bo‗ladi. 3 yoshgacha hikildoq shakli o‗g‗il 
va qiz bolalarda bir xil bo‗ladi. 3 yoshdan keyin o‗g‗il bolalarda qalqonsimon bez 
plastinkasi  qo‗shilish  burchagi  o‗tkir  burchak  hosil  qiladi,  bu  ayniqsa  7 
yoshlarda  sezilarli  darajada  kuzatiladi.  10  yoshda  hikildoq  kattalarnikiga 
o‗xshash bo‗ladi. Shilliq qavati qon va limfa tomirlariga boy bo‗lib, shish 
hosil  bo‗lishiga  moyillik  kuzatiladi.Shular  sabab  2-  3  yoshlik  bolalarda 
laringit  ko‗pincha  hikildoq  yo‗lini  torayishi  (stenozli  laringit,  krup)  bilan 
kechadi.  Hiqildoq  ovoz  mushaklari  qisqa,  elastik  to‗qimasi  rivojlanmagangi 
sababli yosh bolalarda ko‗proq nafas olishning qiyinlashuvi krup kuzatiladi.