Bolalar kasalliklari propedevtikasi

Kasallik  tashxisi.  Kasallikning  o‗ziga  xos  klinik  kechishiga 
elektromiografiya,  biopsiya  natijalariga  asoslanib  qo‗yiladi.  Shuni  yodda 
tutish lozimki, bir yoshgacha bo‗lgan bolalarda rivojlangan mushak gipotoniyasi 
raxitning belgisi bo‗lishi mumkin. 
 MIOTONIYa. Bu kasallikda navbatdagi qisqaruvdan keyin, muskul 
guruhida  bo‗shashishlik  kuzatilmay,  bir  necha  sekund  davomida  tonik  tortilish 
kuzatilib  turadi.  Bunda  muskul  guruxida  bo‗shashishlikning  qiyinlashuvi 
xujayra  membranasida  o‗tkazuvchanligining  qiyinlashuvi,  modda  almashinuvining 
buzilishi  natijasida  yuz  beradi.  Bunday  holat  Tomson  tug‗ma  miotoniyasida  uchrab, 
kasallik  o‗g‗il  va  qiz  bolalar  orasida  bir  xil  darajada  sodir  bo‗ladi.  Bemor 
bolalar  yugurishda,  sakrashda,  faol  harakat  boshlanishida  qiyinchilik  sezib,  bu 
holat  sovuq  harorat,  manfiy  ta‘sirot  qayfiyatni  buzilishida  kuchayib,  issiq, 
haroratda  bo‗shashadi.  Bunday  holat  oyoq-ko‗ldan  tashqari,  yuz,  til,  chaylov, 
bo‗yin,  tana  muskullarida  ham  kuzatiladi.  Ba‘zan  til  va  ko‗z  muskullaridagi 
tortishish,  talaffuzni  buzilishiga,  g‗ilaylikka  olib  kelishi  mumkin.  Kasallik 
tobora  progressiv  rivojlanib,  bemor  o‗sishdan  orqada  qolib,  nihoyat  nogiron 
bo‗lib qolishi mumkin.