Болалар ёшида учрайдиган тиш каттик

 
1.5. Stomatologik tekshirish ko`rsatkichlari. 
Bugungi kunda og`iz bo`shlig`i tishlar va shilliq parda holatini tavsiflab 
beradigan qator ko`rsatkichlar mavjud. 
Bu ko`rsatkichlarning ommaviy ko`riklar paytida hududlar, shaharlar, viloyat 
va mamlakat bo`yicha yig`ilgan ma’lumotlari faqat statistika uchun asos 
bo`lmasdan, balki stomatologik kasalliklarning tarqalish jadalligi ular aholi uchun 
tug`dirishi mumkin bo`lgan noqulayliklar to`g`risida ham ma’lumot beradi. Bu 
ma’lumotlar asosida profilaktik tadbir-choralar, davolash tadbirlari ishlab chiqiladi. 
Joylarda stomatolog mutaxassislarga talab va ularning to`g`ri taqsimoti hal 
qilinadi. Qolaversa ko`rsatkichlar bergan statistik ma’lumotlarga asoslanib 
stomatologik yordamning ustuvor yo`nalishlari aniqlanadi. 
Tishlar qatorini raqamlarda ifodalashning Jaxon Sog`liqni saqlash tashkiloti 
tavsiya etgan formulasi 
 
Sut tishlari uchun: 
55 54 53 52 51 61 62 63 64 65 
85 84 83 82 81 71 72 73 74 75 

---

266 
 
 
Doimiy tishlar uchun: 
18 17 16 15 14 13 12 11 21 22 23 24 25 26 27 28 
48 47 46 45 44 43 42 41 31 32 33 34 35 36 37 38 
 
Kariyes tarqalish ko`rsatgichi. 
Kariyes tarqalishi ko`rsatkichi-bu ma’lum 
bir guruh, hudud, viloyat, davlat va x.k. aholisi o`rtasida tishlarida kariyes mavjud 
kishilar sonini umumiy aholi soniga nisbatan foizlar miqdoridagi ifodalanishidir. 
Bu ko`rsatkichni aniqlash uchun stomatologik ko`rik o`tkazilib, kariyes mavjud 
tishlari bor kishilar sonini ko`rikdan o`tkazilganlarning umumiy soniga bo`linib 
100 ga ko`paytiriladi. 
Uni quyidagi formulada ifodalasa bo`ladi: 
Kariyes mavjud kishilar soni____ X 100 
ko`rikdan o`tganlar soni 
Kariyes tarqalishini baxolash yoki bu ko`rsatkichni har xil xududlarda 
olingan ma’lumotlarini bir-biriga solishtirish maqsadida 12 yoshli bolalar uchun 
quyidagi baxolash mezonlari qabul qilingan: