Bolalar adabiyoti o‘zbekiston respublikasi oliy va o‘rta maxsus ta’lim vazirligi

ÒURDI, O‘G‘RI VA KETMONVOY
— O‘g‘ri urdi, o‘g‘ri urdi! —
Dodlab qoldi bir kun Òurdi.
Ota-ona, militsioner
Har tomonga zir yugurdi.
www.ziyouz.com kutubxonasi

---

2 3 3
— Nima bo‘ldi? Ne gap axir?
Ne yo‘qoldi tezroq gapir?!
— Ishtaham yo‘q, voy, ishtaham,
Ishonsangiz tushimda ham
Ovqatlar tinch qo‘ymas edi,
Yerdim, yerdim, to‘ymas edim.
Endi esa... yo‘q, tez choping,
Ishtahamni tezroq toping.
Boshim og‘rir tun-kun lo‘q-lo‘q,
Sog‘lig‘imning mazasi yo‘q.
Òush ko‘raman ayqash-uyqash,
Uxlolmayman, oh, ko‘nglim g‘ash.
— O‘g‘ri urdi, o‘g‘ri urdi! —
Òinmay dodlar kichik Òurdi.
— Sog‘lig‘im-u, shirin uyqum
Òez topinglar, — deb buyurdi.
Naq o‘ttizta militsioner
Saf tortishib: — Òopamiz, — der.
— Òez yo‘qolgan buyumlarning
Òo‘la-to‘kis ro‘yxatin ber!
Doktorlar ham, shoshaylik, deb,
Ishtahasin ochaylik, deb.
Shahar bo‘ylab kezdilar xo‘p,
Dorilardan tizdilar ko‘p.
Ukol olsa nozik joylar,
Òurdi sho‘rlik xo‘p voy-voylar.
Ishtaha-chi, ochilmaydi,
Ochilmoqqa shoshilmaydi.
Hovlida jim yotgan ketmon
(Ishlatilmay zanglab ketgan)
Òoqati toq bo‘lib xullas,
Òurib ketdi o‘rnidan dast.
Bir-bir bosib kelib to‘g‘ri
Dedi: — Menga ayon o‘g‘ri!
— Kim ekan u? Ko‘rsat bizga
Ozor bergan o‘g‘limizga —
Jazosini olsin axir,
www.ziyouz.com kutubxonasi

---

2 3 4
Jon Ketmonjon, tezroq gapir!
Òurdi qistar: — Ko‘rsat, ushlay,
Biqiniga boplab mushtlay!
— Shoshma, Òurdi, sabr et picha,
Avval zangim ketgunicha.
Yumshatasan daraxt ostin,
Òekislaysan baland-pastin.
Gulzorni ham chopib ber, hay,
So‘ngra mayli, topib beray.
G‘irromlik yo‘q, aldash ham yo‘q,
Sen ko‘nglingni tutaver to‘q.
Ish boshladi tezda Òurdi,
Gursillatib ketmon urdi.
Jiq ho‘l bo‘ldi ko‘ylak terdan,
Bosh og‘rig‘i qoldi birdan.
Ishtaha ham ochildi lang,
Òurdi hayron, turar hang-mang,
Gulzorni ham bo‘ldi chopib,
Yo‘qotganin oldi topib.
Do‘stlar, ayting ochiq, to‘g‘ri,
Sezdingizmi, kim u o‘g‘ri?!