Bolalar adabiyoti o‘zbekiston respublikasi oliy va o‘rta maxsus ta’lim vazirligi

KACHAL POLVON YOKI YOG‘OCH
QO‘G‘IRCHOQNING
BOSHIDAN KECHIRGANLARI
(Qissadan parcha)
B I R I N C H I   B O B
QO‘G‘IRCHOQLAR MAMLAKAÒI
Afsonaviy shahar odamlari
Qadimgi zamonda ertaknamo bir o‘lka bo‘lib, unda kichik-
kichik odamchalar yashar edilar.
Bu o‘lka ikki yoni tog‘ bilan o‘ralgan keng vodiy qo‘yniga
joylashgandi. U „Qo‘g‘irchoqlar mamlakati“ deb atalar edi.
Qo‘g‘irchoqlar mamlakatining odamlari insonlarga o‘xshab
kiyinishar, gaplashar, ishlashar va kun ko‘rishar edi.
www.ziyouz.com kutubxonasi

---

1 2 6
Qo‘g‘irchoqlar mamlakatida ko‘z ko‘rmagan, quloq
eshitmagan ajoyib-u g‘aroyib voqealar sodir bo‘lib turardi.
Shunday voqealarning eng qizig‘i Shirinsoy shahrida yuz berdi.
Shirinsoyda ikki toifa odamchalar yashar edi. Bularning biri —
dang‘illama uylarda yashovchi, yaxshi  kiyinib, yaxshi oshaydigan
qorni katta boylar edi. Ular yashaydigan mahalla — Boyguzar
deb nomlanardi. Ikkinchisi esa — qamish va poxol uylarda yashov-
chi, yupun kiyingan, oriq, ammo mehnatkash odamlar edi. Bu
odamlar — qo‘g‘irchoqlar va qo‘g‘irchoqbozlar yashaydigan ma-
halla Faqir mahalla deb atalardi.
Kambag‘allar tishining kirini so‘rib, mehnat qilib kun ko‘-
rishsa, boy xonadonlar ishlamay tishlab, semirishar, omborlari
g‘allaga to‘lar, xazinalari boyir edi.
Kambag‘al mittilar dunyoning boshqatdan yaralishini istar, faqirchilik
asoratini yo‘q qiladigan kuch paydo bo‘lishini kutishar edi.
Shu zayilda yillar, asrlar o‘tdi, bobokalonlar dunyoga kelib
ketdi. Otalar tug‘ilib, dunyodan o‘tishdi, bolalar tug‘ilib, katta
bo‘lishdi. Ammo boy-boyligicha qolaverdi, el boshiga kambag‘allikni
solaverdi. Amu oqaverdi, Sir toshaverdi¾
Òengqurlar
Kunlardan bir kun, hech kimning xayoliga kelmagan, ammo
unga hamma mushtoq bo‘lgan bir paytda, mana shu qo‘g‘irchoqlar
yashagan bepoyon kenglikda bir polvon bola tug‘ildi. U ruhan
tetik, sog‘lom, murg‘ak qo‘lchalari kuchli, ovozi quloqni yorgudek
o‘tkir edi.
Bu polvon bola tug‘ilganda, dunyoning bo‘lak o‘lkalaridagi
Qo‘g‘irchoqlar mamlakatida ham shunday tetik, sho‘x, mard
bolalar dunyoga keldi. Ota-onalar, yor-birodarlar, urug‘-aymoqlar
uni qo‘llarida ko‘tarib, ardoqlashdi, katta-katta to‘ylar, ziyofatlar
berib, bolaning dunyoga kelganini muborakbod qilishdi, unga
yurtdagi eng chiroyli, go‘zal nomlarni topib qo‘yishdi.
Apelsinxo‘r italyanlar bu qahramonni Pulchinello deb atashdi.
Faranglar — Polishinel, suv o‘rtasida yashovchi inglizlar — Ponch
deb, nemislar — Ganivurt, gollandlar — Pikelgiring deb, chexos-
lovaklar — Kashparon, uzun choponli turklar — Qora qiz deb nom-
lashdi. Nomlari tilga olingan qahramonlarning o‘zlariga yarasha
ajoyib va g‘aroyib tarixlari borki, ular kitoblarda yozilgan.
Ammo ularning tengquri bo‘lgan bizning qahramonimizni-
chi! Uning ham o‘ziga xos ajoyib va g‘aroyib tarixi bor.
Men uni bir boshdan gapirib beraman.
www.ziyouz.com kutubxonasi

---

1 2 7