Bolalar adabiyoti o‘zbekiston respublikasi oliy va o‘rta maxsus ta’lim vazirligi

KICHIK FOLKLOR JANRLARI
QO‘SHIQLAR
ALLA
Yot, bolam, uxla qo‘zim,
Uylarda o‘chdi chiroq.
Uxlar asalarilar,
Uxlar baliqlar tinchroq.
Ko‘kda oy yarqiraydi,
Derazadan qaraydi.
Ko‘zlaring yumgin, qo‘zim,
Yot, quvonchim, qunduzim!
Alla, alla.
Suv sepgandek uylar tinch,
Qorong‘u hujralar tinch¾
Hech darvoza tiq etmas,
Sichqon uxlar, miq etmas.
Kimdir oh tortsa, unda,
Ne ishimiz bor unda?
Ko‘zlaring yumgin, qo‘zim.
Ovunchog‘im, qunduzim!
Alla, alla.
Qushcham g‘amsiz yashaydi,
Uning har dam vaqti chog‘
Shirinliklar mo‘l-u ko‘l,
Ko‘pdir qiziq o‘yinchoq
Bari sengadir, qo‘zim!
Yig‘lama hech, yulduzim!
Baxtiyor o‘tsin umring!
Yot, quvonchim, qunduzim!
Alla, alla.
Alla, alla, allayo,
Uxla, qo‘zim, allayo.
Yum ko‘zingni, yulduzim,
Yum-yum ko‘zing, qunduzim!