Bolalar adabiyoti o‘zbekiston respublikasi oliy va o‘rta maxsus ta’lim vazirligi

QIZG‘ANCHIQ PAK
(Koreys xalq ertagi)
Qadim zamonda Olmos tog‘larida Pak degan qizg‘anchiq bir
odam yashar ekan. Ko‘ziga nima ko‘rinsa, hammasini olgisi kelar,
ko‘zi hech to‘ymas ekan.
Bir vaqt uning qopqoniga burunduq tushib qolibdi, u oddiy
emas, kumush yungli ekan.
Pak suyunib ketib, burunduqni ushlab, o‘ldirmoqchi bo‘libdi.
To‘satdan burunduq tilga kirib:
— Meni o‘ldirma,  qo‘yib yubor. Istaganingni beraman, — debdi.
— Istaganimni berasanmi? Shunday qilki, nimaga qo‘limni
tekkizsam, u narsa kumushga aylansin, uni mendan boshqa odam
olmasin, shu shart bilan seni qo‘yib yuboraman, — debdi qiz-
g‘anchiq Pak.
— Istaganing bajo keltiriladi, — deb javob beribdi burunduq.
Qizg‘anchiq Pak qopqonni ushlasa, qopqon kumush bo‘lib
qolibdi. Pak burunduqni qo‘yib yuborib, uyga yuguribdi. Suyun-
ganidan esini yo‘qotib chopibdi.
Uyning eshigini ushlagan ekan, oldida kumush eshik paydo
bo‘libdi. Uyga kirib yog‘log‘ini ushlasa, u ham kumush bo‘lib
qolibdi. Boshmog‘ini yechib, uni ostonaga qo‘ygan ekan, bosh-
moq kumush bo‘lib qolibdi. Yerdagi bo‘yra ham Pakning qo‘li
tegishi bilanoq kumushga aylanibdi. Bunday boylikni ko‘rgan
qizg‘anchiq Pak esini yo‘qotib, uyda va hovlida chopib, hamma
narsani ushlayveribdi. Axir charchab qorni ochib, ovqat yegisi
kelibdi. Buni ko‘ringki, ovqatlar ham kumushga aylanaveribdi.
Tovoqchada guruch olsa, tovoqcha ham, guruch ham, ovqat
yeydigan cho‘plar ham darrov kumush bo‘lib qolibdi. Pakning
ovqat yegisi kelibdi-yu hech yeyolmabdi. „Bir iloj qilib chidarman,
— deb o‘ylabdi qizg‘anchiq Pak. — Lekin mening boyligimga
hammaning havasi keladi!“
To‘g‘ri, Pakka havasi kelgan odamlar ham topilibdi.
Lekin ko‘p o‘tmay yo‘g‘on Pak ingichka Pakka aylanib qolibdi:
kun sayin ozib, tez kunda cho‘pdek bo‘lib qolibdi. Qizg‘anchiq
Pak o‘zining sovuq, qattiq kumush o‘rniga yotib, ochlikdan va
sovuqdan o‘lib ketibdi.
www.ziyouz.com kutubxonasi

---

3 3