Бола билан алоқа ўрнатиш ва ихтиёрий хулқ – атворнинг ривожланиш даражасини аниқлаш методикаси

«Кимлигини топиб кўрчи» методикаси

Ушбу методика мактабгача ёшдаги болаларнинг идрокини ўрганишга мўлжалланган. Унда бола расмнинг бир неча қисмлари ёрдамида бутун расм қандай эканини билиши талаб қилинади.

Методика қуйидагича ўтказилади: Болага расмнинг А қисми кўрсатилади ва асосида расмда нима тасвирланганини топиш таклиф этилади. Бунинг учун 10 сония вақт берилади. Агар болалар бу вақт ичида нима тасвирланганини топа олмаса яна 10 сонияга унга расмнинг Б қисми кўрсатилади. Шу тариқа расм қисмлари то бола унда нима тасвирланганини билмагунча кўрсатилади.

Натижаларни баҳолаш:
10 – балл – бола А қисмдан 10 сониядан кам вақт ичида расмда ит тасвирланганини топди.
7 – 9 балл – бола Б қисмдан жами 11 – 20 сонли вақт сарфлаб расмда ит тасвирланганини топди.
4 – 6 балл – бола В қисмидан вақт 21 – 30 сонияга етганда расмда ит тасвирланганини топди.
2 – 3 балл – бола Г қисмдан вақт 30 – 40 сонияга етганда расмда ит тасвирланганини топди.
0 – 1 балл – бола жами 50 сониядан ортиқроқ вақт сарфлаб А,Б ва В қисмларни кўриб ҳам ит тасвирланганини топа олмади.

Ривожланганлик даражаси:

10 балл – жуда юқори, 8 – 9 балл – юқори, 4 – 7 балл – ўрта, 2 – 3 балл – паст, 0 – 1 балл – жуда паст.

Методика манбаси: Немов Р.С.Психология: Учеб.для студ.высш.пед.учеб.заведений: В З кн. – З е изд. – М.: Гуманитар.изд.центр ВЛАДОС, 1999. – Кн. З. 68 – 70 бетлар.

«Кимга нима етишмаяпти?» методикаси

Мазкур методика 3 – 4 ёшли болалар тафаккурини ўрганиш учун қўлланади.

Методикани ўтказиш. Аввал болага ҳозир унга бир неча расм кўрсатилиши, уларда тасвирланган болаларда нимадир етишмаслиги, берилган нарсалар орасидан етишмаётганларини топиш зарурлиги тушунтирилади. Боланинг вазифаси – расмлардаги болаларга етишмаётган нарсаларни берилган нарсалар қаторидан топиш.

Натижаларни баҳлош:
10 – балл – вазифа 30 сониядан кам вақтда бажарилди.
8 – 9 балл – вазифа 31 – 49 сонияда бажарилди.
6 – 7 балл – вазифа 50 – 69 сонияда бажарилди.
4 – 5 балл – вазифа 70 – 89 сонияда бажарилди.
2 – 3 балл – вазифа 90 – 109 сонияда бажарилди.
0 – 1 балл – вазифа 110 сониядан кўпроқ вақтда бажарилди.

Тафаккурнинг ривожланиш даражаси:

10 –жуда юқори
8 – 9 – юқори
4 – 7 – ўрта
2 – 3 – паст
0 – 1 – жуда паст.
Диагностика соҳасидаги ишингизга муваффақият ёр бўлсин!
Методика манбаси: Немов Р.С.Психология: Учеб.для студ.высш.пед.учеб.заведений: В З кн. – З е изд. – М.: Гуманитар.изд.центр ВЛАДОС, 1999. – Кн. З. Психодиагностика. Введение в научное психологическое исследование с элементами математической статистики. 104 – 106 бетлар.
«Белгиларни қўй» методикаси
Мазкур методика мактабгача ёшдаги болалар диққатининг кўчувчанлиги ва тақсимланувчанлигини ташхис қилишга қўлланиши мумкин.
Методика материали: 1 – расм кўрсатилган жадвал.
Методиканинг ўтказиш вақти: 2 дақиқа.
Методиканинг қўлланиши: бола жадвал юқорисидаги геометрик шакллар – квадрат, учбурчак, айлана ва ромбнинг ичидаги белгиларни жадвалдаги барча квадрат, учбурчак, айлана ва ромблар ичига қўйиб чиқиши керак.
Натижаларни қайта ишлаш қуйидаги формула воситасида амалга оширилади:
0. 5 Шм – 2 8. Хм
Дкт =
120
Дкт – диққат кўчувчанлиги ва тақсимланганлигининг кўрсаткичи;
Шм – 2 дақиқа ичида кўриб чиқилган ва ичига тегишли белги қўйилган геометрик шакллар миқдори;
Хм – топшириқни бажариш давомида йўл қўйилган хатолар миқдори.
Эслатма: тегишли белгиларнинг тегишли шакл ичига қўйилмагани ёки тегишли шакл ичига умуман белги қўйилмагани хато бўлиб ҳисобланади.
Натижаларни баҳолаш:
10 – балл – Дкт 1. 00 дан катта – жуда юқори
8 – 9 балл – Дкт 0. 75 дан 1. 00 гача – юқори
6 – 7 балл – Дкт 0. 50 дан 0. 75 гача – ўрта
4 – 5 балл – Дкт 0. 25 дан 0. 50 гача – паст
0 – 3 балл – Дкт 0. 00 дан 0. 25 гача – жуда паст.

Методика манбаси: Немов Р.С.Психология: Учеб.для студ.высш.пед.учеб.заведений: В З кн. – З е изд. – М.: Гуманитар.изд.центр ВЛАДОС, 1999. – Кн. З. Психодиагностика. Введение в научное психологическое исследование с элементами математической статистики. 79 – 81 бетлар.