Бола – одоби билан азиз (Фарзанд тарбиялашда ота-оналарга маслаҳатлар) Нашрга тайёрловчи: Зиёвуддин Раҳим

Фойдали насиҳатлар
1. Ўзинг ҳам, молинг ҳам отангникидир.
2. “Ота-онасини ҳурмат қилган кишининг 
умри узун бўлади”.
3. “Ҳақиқий фарзанд ҳар бир соҳада ўз ота-
сининг ҳукмига бўйсунади”.
4. Ўғил доно бўлса, ота роҳат топибди.
5. Отанинг хатоси учун танбеҳ берувчи бўлма.
Ота-она ўрнини ҳеч ким босолмайди
та-она учун фарзандининг чиройли хулқи ва одо-
би муҳимдир. Одобли боланинг ота-онаси камбағал 
бўлса ҳам ҳеч айб эмас. Чунки ҳар бир нарса Яратганнинг 
хоҳиш-иродасига боғлиқ. Ота-онасининг фақирлигини айб 
санаш, буни ўзларига айтиб, тақдиридан нолиш жуда катта 
хатодир.
Эй фарзанд, сенинг ота-онанг ҳаёт экан, соғ-саломат экан, 
уларнинг қадрига ет, яшаб турганини ғанимат бил. Шуни 
унутмаки, ота-онанинг камбағаллиги айб эмас. Аслида фар-
занднинг одобсизлиги ниҳоятда катта айбдир. Одобсиз бо-
ланинг ота-онаси бой, мартабали ёки олим бўлса ҳам одам-
лар эътиборида бўлмайди. Ундай бола ота-она шаънига ис-
нод келтиради. Фарзанди туфайли обрўъ-эътибордан қолган 
ота-она касалликка чалинади, вақтидан эрта қарийди, умри 
қисқаради.
Одобли боланинг ота-онаси фақир ва камбағал бўлса ҳам 
боласи туфайли қадрли ва ҳурматли бўлади. Эл-юрт орасида 
ҳурматда, иззатда бўлган ота-онанинг соғлиғи яхши, руҳи те-
тик бўлади. Тенгдошларига нисбатан ёш кўринади, умри узая-
ди. Шунинг учун сен одобли ва яхши бола бўлишинг керак. 
Шунда ота-онангни ҳурмат этиб, уларни хурсанд қилган ва 
қадрларига етган бўласан. Зеро, ота-онанг ўрнини ҳеч ким бо-
солмайди.

---

– 75 –
Фарзанд ота-онадан доим қарздор
зиз болажонлар, шуни билингларки, атрофингиздаги 
болалар, ўрта ва катта ёшдаги кишилар марҳаматли 
ва шафқатли бўлишлари мумкин. Аммо ҳеч бир киши сиз-
ларга ота-онангиздек садоқатли бўлолмайди, ҳеч ким ота-
онангиздек хизмат йўлида машаққат чекмаган. Ота-онан-
гиз ҳамиша сизларнинг баркамол ва солиҳ бўлишингизни 
хоҳлайдилар.
Ота-онангиз сизларни парвариш қилишда иссиқ-совуққа 
чалинтирмай, соғ-саломат, одобли ва илмли бўлишингизда 
чеккан машаққатларини, тортган кулфатларини, ўзи емаса ҳам 
сизларга едириб-ичирганини унутманг. Ҳамиша уларнинг ро-
зилиги йўлида хизмат ва ҳурматларини жойига қўйинг. Шуни 
унутмангки, ота-онангизнинг сизлардан умиди катта. Улар 
сизларни қадрли ва ҳурматли, улуғ кишилар бўлишингизни 
ҳамиша умид билан кутиб турадилар. Шундай экан, фурсат-
ни қўлдан бой берманг. Ҳар соат ва кунни ғанимат билиб, 
ота-онангиз кўнглини кўтариш, хурсанд қилиш ҳаракатида 
бўлинг. Заиф ва нимжон вақтингизда ота-онангиз тарбиялари 
туфайли сизлар одамга айландингиз ва ўсиб вояга етдингиз. 
Шундай экан, ота-онага бунинг эвазига доим яхшилик қилиб, 
уларнинг дуоларини олиш керак.
Азиз болалар, ота-она дийдорини ғанимат билинг. Бугун 
ота-онамиз олдимизда, белимизга қувват, ғам ва хурсандчи-
лигимизга шерик бўлиб туришибди. Шундай экан, уларни 
қадрига етиш керак