Боғланишлар* Муқаддима I боб. Бухгалтерия ҳисоби ҳисобварақлар режасининг умумий тавсифи

Материаллар қийматидаги фарқларни ҳисобга
олувчи счётларнинг (1600) боғланиши

1610 "Материаллар қийматидаги фарқлар" счёти харид қилинган товар-моддий қийматликларнинг амалдаги харид (тайёрлов) таннархи қиймати билан ҳисоб баҳолари ўртасидаги фарқлар тўғрисидаги ахборотни умумлаштириш учун мўлжалланган.

Моддий қийматликларнинг ҳақиқий таннархи ва ҳисоб баҳолари орасидаги фарқ суммаси 1610 "Материаллар қийматидаги фарқлар" счётининг дебети ёки кредитига 1510 "Материалларни тайёрлаш ва харид қилиш" счётидан ҳисобдан чиқарилади.
1610 "Материаллар қийматидаги фарқлар" счётида йиғилган харид қилинган моддий қийматликларнинг ҳақиқий таннархи ва ҳисоб баҳолари орасидаги фарқ суммалари ишлаб чиқариш харажатлари, давр харажатлари ёки бошқа тегишли харажатларни ҳисобга олувчи счётларнинг дебетига сарфланган материалларнинг ҳисоб баҳосига мутаносиб равишда ҳисобдан чиқарилади.

Т/р	Хўжалик операциясининг мазмуни	Боғланувчи счётлар			Ёзувларни тасдиқловчи ҳужжатлар
		дебет	кредит
1	Келиб тушган моддий қийматликларнинг ҳақиқий таннархидаги фарқлар суммаси ҳисобдан чиқарилган:			Бухгалтериянинг ҳисоб-китоб маълумотномаси
	- ҳисоб баҳосидан паст бўлганда	1510	1610
	- ҳисоб баҳосидан юқори бўлганида	1610	1510
2	Материаллар қийматидаги фарқлар (ҳисобланган улушда) ишлаб чиқариш счётларига ҳисобдан чиқарилган	2010	1610	Бухгалтериянинг ҳисоб-китоби
3	Материаллар қийматидаги фарқлар (ҳисобланган улушда) ёрдамчи ишлаб чиқариш счётларига ҳисобдан чиқарилган	2310	1610	Бухгалтериянинг ҳисоб-китоби
4	Материаллар қийматидаги фарқлар (ҳисобланган улушда) умумишлаб чиқариш харажатларини ҳисобга олувчи счётларга ҳисобдан чиқарилган	2510	1610	Бухгалтериянинг ҳисоб-китоби
5	Ажратилган бўлинмалар, шуъба ва қарам хўжалик жамиятларидан олинган материаллар бўйича фарқлар суммаси ҳисобдан чиқарилган	4110, 4120	1610	Бухгалтериянинг ҳисоб-китоби
6	Материаллар қийматидаги фарқлар (ҳисобланган улушда) давр харажатлари счётларига ҳисобдан чиқарилган	9410-9430	1610	Бухгалтериянинг ҳисоб-китоби
7	Материаллар қийматидаги фарқлар (ҳисобланган улушда) хизмат кўрсатувчи хўжаликларнинг счётларига ҳисобдан чиқарилган	2710	1610	Бухгалтериянинг ҳисоб-китоби
8	Фарқлар тегишли улуши инвентарь ва хўжалик жиҳозлари қийматига киритилган	1080	1610	Бухгалтериянинг ҳисоб-китоб маълумотномаси
9	Материаллар қийматидаги фарқларнинг бир қисми берилган материаллар бўйича ички бўлинмалар счётларига ҳисобдан чиқарилган	4110	1610	Бухгалтериянинг ҳисоб-китоб маълумотномаси
10	Умумишлаб чиқариш харажатлари материаллар қийматидаги манфий фарқ кўрсаткичига камайтирилган (сторно ёзуви)	2510	1610	Бухгалтериянинг ҳисоб-китоб маълумотномаси