Боғланишлар* Муқаддима I боб. Бухгалтерия ҳисоби ҳисобварақлар режасининг умумий тавсифи

Т/р	Хўжалик операциясининг мазмуни	Боғланувчи счётлар
Ёзувларни тасдиқловчи ҳужжатлар
	дебет	кредит
1	Келиб тушган моддий қийматликларнинг ҳақиқий таннархидаги фарқлар суммаси ҳисобдан чиқарилган:			Бухгалтериянинг ҳисоб-китоб маълумотномаси
	- ҳисоб баҳосидан паст бўлганда	1510	1610
	- ҳисоб баҳосидан юқори бўлганида	1610	1510
2	Материаллар қийматидаги фарқлар (ҳисобланган улушда) ишлаб чиқариш счётларига ҳисобдан чиқарилган	2010	1610	Бухгалтериянинг ҳисоб-китоби
3	Материаллар қийматидаги фарқлар (ҳисобланган улушда) ёрдамчи ишлаб чиқариш счётларига ҳисобдан чиқарилган	2310	1610	Бухгалтериянинг ҳисоб-китоби
4	Материаллар қийматидаги фарқлар (ҳисобланган улушда) умумишлаб чиқариш харажатларини ҳисобга олувчи счётларга ҳисобдан чиқарилган	2510	1610	Бухгалтериянинг ҳисоб-китоби
5	Ажратилган бўлинмалар, шуъба ва қарам хўжалик жамиятларидан олинган материаллар бўйича фарқлар суммаси ҳисобдан чиқарилган	4110, 4120	1610	Бухгалтериянинг ҳисоб-китоби
6	Материаллар қийматидаги фарқлар (ҳисобланган улушда) давр харажатлари счётларига ҳисобдан чиқарилган	9410-9430	1610	Бухгалтериянинг ҳисоб-китоби
7	Материаллар қийматидаги фарқлар (ҳисобланган улушда) хизмат кўрсатувчи хўжаликларнинг счётларига ҳисобдан чиқарилган	2710	1610	Бухгалтериянинг ҳисоб-китоби
8	Фарқлар тегишли улуши инвентарь ва хўжалик жиҳозлари қийматига киритилган	1080	1610	Бухгалтериянинг ҳисоб-китоб маълумотномаси
9	Материаллар қийматидаги фарқларнинг бир қисми берилган материаллар бўйича ички бўлинмалар счётларига ҳисобдан чиқарилган	4110	1610	Бухгалтериянинг ҳисоб-китоб маълумотномаси
10	Умумишлаб чиқариш харажатлари материаллар қийматидаги манфий фарқ кўрсаткичига камайтирилган (сторно ёзуви)	2510	1610	Бухгалтериянинг ҳисоб-китоб маълумотномаси

Асосий ишлаб чиқаришни ҳисобга
олувчи счётларнинг (2000) боғланиши


2010 "Асосий ишлаб чиқариш" счёти маҳсулоти (ишлари, хизматлари) корхона фаолиятининг асосий турига тааллуқли асосий ишлаб чиқариш харажатлари тўғрисидаги ахборотни умумлаштириш учун мўлжалланган.
Мазкур счётнинг дебети бўйича маҳсулот ишлаб чиқариш, ишларни бажариш ва хизматлар кўрсатиш билан бевосита боғлиқ бўлган тўғри харажатлар, шунингдек ёрдамчи ишлаб чиқариш харажатлари, асосий ишлаб чиқаришни бошқариш ва хизмат кўрсатиш билан боғлиқ бўлган билвосита харажатлар ва яроқсиз маҳсулот ҳисобига йўқотишлар материалларни ҳисобга олувчи счётлар, меҳнатга ҳақ тўлаш бўйича ходимлар билан ҳисоблашишлар ва б. счётлар кредитидан акс эттирилади.
Мазкур счётнинг кредити бўйича 2810 "Омбордаги тайёр маҳсулотлар", 9110 "Сотилган тайёр маҳсулотларнинг таннархи", 9130 "Бажарилган ишлар ва кўрсатилган хизматларнинг таннархи" счётлари дебети билан боғланган ҳолда ишлаб чиқариши тугалланган маҳсулот, бажарилган ишлар ва кўрсатилган хизматларнинг ҳақиқий таннарх суммаси бўйича акс эттирилади.