Боғча сахнаси байрамона безатилган

Болалар “ Устозлар “ қўшиғини айтиб берадилар.
Сўнг “ Дўппи тикдим “ рақсига тушиб берадилар.


Бошловчи: Қимматли болажонлар! Бугун сизни табриклагани ота-оналарингиз, меҳмон-
лар ва кичкинтой укаларингиз ташриф буюришган . Улар ҳаммаси сизларни
мустаққил Ўзбекистонимизни етук фарзандлари бўлиб етишишингизда омад
ва муваффақиятлар тиламоқчилар.


Катта гуруҳ болалари мусиқа остида кириб келадилар.


Бола: Опажонлар, акажонлар етти ёшга тўлибсиз,
Табриклаймиз биз сизни сиз ўқувчи бўлибсиз.
-- 1 --
“ Тахмина “ рақсига қизлар ўйинга тушиб берадилар .


Бола: Шу ўлканинг эркаси бизлар
Ҳам бугуни эртаси бизлар.
Ворислари биз ўғил қизлар
Нурли бўстон ҳур гулистоним
Тилда достон Ўзбекистоним!
Болалар “ Тинчлик бўлсин “ қўшиғини айтиб берадилар .
Сўнг “ Хоразмча “ рақс ижро этиб берадилар .


Бошловчи: Болажонлар келинглар сизлар билан мактаб- мактаб ўйинини ўйнаймиз!
Қани, боғчада олган билимларингизни бир синаб кўрайликчи!


Дарсга қўнғироқ чалинади .


Бошловчи: Болалар! Қўнғироқ бизни она тили дарсига чорлаяпти. Ким она тилимиз
Ҳақида шеърлар билади.


Бола: Она тилим доно тилим берар менга дунё билим.
Она тилим ўткир сўзим сенда камол топди тилим.


Бола: Қайга борсам ўткир сўзим ойга учсам ойдин юзим
Ақлим ошар бахтим тошар она тилим, она тилим.


Танаффусга қўнғироқ чалинади .


Бошловчи: Болажонлар танаффусга қўнғироқ чалиняпти . Танаффус нималигини биламизми? Танаффусда қўшиқ айтиш, рақсга тушиш, ўйнаш мумкин .


Болалар “ Мактаб нимани ўргатади “ қўшиғини ижро этиб берадилар .
Сўнг “ Матрослар “ рақсига ўйинга тушиб берадилар .