Bmtning terrorizmga qarshi faoliyat olib boruvchi organlari. Afrika mamlakatlarida terrorchi tashkilotlar faoliyati

1. 
   BMTning terrorizmga qarshi faoliyat olib boruvchi organlari.
   
2. 
   Afrika mamlakatlarida terrorchi tashkilotlar faoliyati.
   
3. 
   Vahhobiylikning O’zbekistonda tarqalishida ichki va tashqi omillar.
   
4. 
   “XAMAS” terrorchi tashkiloti.
   
5. 
   O’zbekiston Respublikasining “Vijdon erkinligi va diniy tashkilotlar to’g’risida”gi qonuni.
   

1.-“Al-qoida” va “Tolibon”ga qarshi sanksiyalar qо‘llash Qо‘mitasi;

-Aksilterroristik tadbirlarni maqsadili amalga oshiruvchi guruh;

-Aksilterroristik qо‘mita;

-Ishchi guruh.

2. Jahondagi rо‘y berayotgan terroristik voqealar oldida yaqin – yaqingacha Afrika bir muncha tinch bо‘lib keldi. О‘tgan asrning oxirlariga kelib Sudan, Jazoir, Liviya, Marokash hududlari aqidaparastlarning Shimoliy Afrikada yirik diniy davlatni tuzish uchun kurash maydoniga aylandi. Turli yо‘nalishdagi guruhlar tuzilib, faoliyat yurita boshladi. Jazoirda vujudga kelgan “Al-Qiyam” guruhi mamlakat hukumatining olib borayotgan sotsialistik yо‘nalishini islom qadriyatlariga zid deb hisoblar edi. Ular “gunoh manbalari” sifatida – kabare, kafe, spirt – vino zavodlariga qarshi qator teraktlar amalga oshirishdi. Islom fundamentalistlarining rahbari Yusuf al-Kardoviyning “Islom – bu yechim” – degan ta’biri radikal salafiylarining shiori bо‘lib qoldi. Mamlakatdagi dunyoviy hukumatni ag‘darishga bel bog‘lagan terrorchi guruhlardan yana biri “Qurolli islom guruhi”, “Da’vat va jihod salafiy guruhi” va boshqa terroristik guruhlarining mavjudligi, faoliyati bugungi kunda ham mamlakatda barqarorlikni qaror topishiga halaqit bermoqda. Ular mamlakatni klerikal davlat deb e’lon qilishni, bu maqsadga zо‘ravonlik yо‘li bilan amalga oshirishlarini ochiq bayon qilishdi.
2006 yilning sentyabrida Usoma ben Ladinning о‘ng qо‘li Aymon az-Zavaxiriy “Da’vat va jihod salafiy guruhi” ning “al-Qoida” ga qо‘shilganligini xabar qildi. Shunday sо‘ng “Da’vat va jihod salafiy guruhi” о‘zini “islom Mag‘ribidagi al-Qoida” deb e’lon qildi. Keyingi yillarda terrorchi guruhlar Sudanda, hokimiyat tepasidan Muamar Kaddafi ketgach Liviyada faollashib ketishdi. Albata har ikkala mintaqa ham neft-gaz zahiralariga boy. Kо‘rinib turibdiki har jihodchi qay darajada о‘z e’tiqodi uchun о‘z bilganicha kurashmasin, undan yana kimlardir о‘zining faysidir manfaatlarini amalga oshirish uchun foydalanishga harakat qilib kelmoqda.
3. Vahhobiylikning О‘zbekistonda tarqatilishida ichki va tashqi omillar. Birinchi prezidentimiz I.A.Karimovning “О‘zbekiston XXI asr bо‘sag‘asida: xavfsizlikka tahdid, barqarorlik shartlari va taraqqiyot kafolatlari” asari hamda Oliy Majlisning XI sessiyasida sо‘zlagan nutqi va boshqa asarlarida vahhobiylikning О‘zbekistonda tarqalishining ichki va tashqi omillari aniq ravshan ifoda qilingan. Ayni paytda, dasturda keltirilgan boshqa maqolalarda ham bu masala atroflicha yoritilgan. Biz “Vahhobiylik О‘zbekistonda nima uchun tarqaldi?” degan savolga javob izlab uni talabalarga tushuntirib berishimiz lozim. Yuqorida kо‘rsatilgan manbalarning guvohlik berishicha, 80-yillar oxiriga kelib sotsializm qо‘rg‘onining buzilishi, sobiq SHо‘rolar saltanatining inqirozga yuz tutib borishi munosabati bilan boshqa harakatlar kabi diniy harakatlar ham kuchaydi. Chunki, markscha – lenincha mafkura 70 yil davomida dinga dushmanlik munosabatida bо‘lib keldi va kо‘plab diniy arboblar yо‘q qilib yuborildi. Dinga juda katta zarba berildi. Kо‘p odamlar dinga e’tiqod qilmay qо‘ydilar. Chunki diniy e’tiqod jamiyatdagi xukmron kuchlar tomonidan qoralanib, unga qarshi ommaviy targ‘ibot ishlari kuchaytirildi va fuqarolar yangi ruhda – SHо‘rolar ruhida, tо‘g‘rirog‘i, markscha – lenincha g‘oyalar ruhida tarbiyalana boshladilar. Odamlarning dindan tobora uzoqlashishi ma’naviy qashshoqlikni keltirib chiqaradi, bu narsa oxir-oqibatda saltanatning qulashiga olib keladi. Ma’naviy qashshoqlik har kanday g‘ayriqonuniy harakatlarning kuchayishidagi bosh mezon hisoblanadi. Natijada, butun dunyoda diniy omilning faollashuvi sobiq shо‘rolardan keyingi makonda ham о‘z aksini topdi.
Rossiya, Yevropaning sobiq sotsialistik mamlakatlari va shо‘rolar tarkibidan ajralib chiqqan yangi mustaqil davlatlarda dinning uyg‘onishi ayniqsa kuchaydi. Bu davrda, ya’ni bir tuzumdan ikkinchi tuzumga о‘tish vaqtida jamiyat taraqqiyotida, bir jihatdan, diniy e’tiqodning ijtimoiy – madaniy hayotdagi tabiiy mafkuraviy ziddiyatlar tug‘ilishiga imkon yaratish xususiyatlari kо‘rindi. Ayniqsa, sobiq shо‘rolar saltanatining tarqalishidagi siyosiy vaziyat turli mintaqalardagi qon tо‘kilishining ta’siri natijasida, О‘zbekistonda ham ayrim notinchliklar bо‘lib о‘tdi. Andijon, Namangan, Qо‘qon, Farg‘ona, qо‘shni О‘sh viloyatidagi о‘z davrida bо‘lib о‘tgan voqealar shular jumlasidandir.
Markaziy Osiyodagi mustaqil davlatlarning qaror topishi va mustahkamlanishi davrida “Islom omili”, “Islom uyg‘onishi”, “Qayta islomlashish”, “Islom fenomeni” kabi iboralar tobora kо‘proq ishlatilib, bu hollarning beqiyos faollashuvini о‘zida aks ettirdi. Prezidentimiz ta’kidlaganidek: “Musulmon dunyosida va hatto undan tashqarida ham sо‘nggi о‘n yilliklar mobaynida rо‘y bergan voqealar jahon hamjamiyatida “Islom ovozasi” deb atalgan hodisa haqida gapirish imkonini berdi. Kо‘plab siyosatchilar, olimlar, jurnalistlar XX asr oxirida rо‘y bergan, “Islom uyg‘onishi”, “Qayta islomlashish”, “Islom fenomeni” va boshqa turli-tuman nomlar bilan atalgan hodisalarning sabablarini tushuntirib berishga harakat qildilar”.
Ularning fikriga qaraganda, birinchidan, SHо‘ro davrida hukmron bо‘lgan sobiq mafkuraviy tasavvurlar va qadriyatlar tizimining yemirilishi va bu yemirilish yoki halokat davrida hosil bо‘lgan ma’naviy bо‘shliqni tо‘ldirish zaruratidan kelib chiqdi.
Ikkinchidan, 70 yil davomida hukmronlik qilib kelgan kommunistik mafkuraning ma’naviy qashshoqligi, о‘ziga xos mutaassibligi yoki real turmushdan ajralib qolganligi, hukmron millat manfaatiga moslashib qolganligi, shu sababli, boshqa millatlar manfaatlariga qarshi qaratilganligi, natijada, odamlarning tili boshqa, dili boshqa shaxslarga aylanganligi shо‘ro saltanatidan keyingi makonda diniy fundamentalizm va traditsionalizm uchun qulay sharoit yaratdi.
Uchinchidan, sobiq sotsialistik mamlakatlar, jumladan, sobiq ittifoqdagi hukmron partiyalarning jilovbardorlari diniy tashkilotlarni, jamoalarni xalqlarning aql-idroklarini egallash uchun kurashda о‘zlarining asosiy raqiblari hisoblab kelganligi, dinning pinhoniyatga chekinishga va hatto ularning muayyan ma’noda gi muxolif kuchga aylanib qolishiga olib keldi.
Tо‘rtinchidan, milliy о‘zlikni anglash tuyg‘usi etnik jihatidan nasl-nasabini izlashga intilishning beqiyos kuchayishi, yо‘qotilgan milliy va ma’naviy qadriyatlarni tiklashga harakat va bu sohada dindan foydalanishga intilish kuchaydi. О‘zbekiston milliy mustaqillikka erishgandan keyingi dastlabki yillarida hali hokimiyatning tо‘la qudratga ega emasligi, iqtisodiy va ijtimoiy qiyinchiliklar, demokratiyani kо‘p kishilarning tо‘la anglab yetmaganligi, turli xil firqalarning va guruhlarning, jumladan, diniy ekstremistik guruhlarning ham paydo bо‘lishiga sabab bо‘ldi.
Buning ustiga shо‘ro hokimiyati yillarida Islom dinini chuqur bilgan, islom falsafasini, sunniylikni asosiy nazariy va amaliy bilimlarning tо‘la о‘zlashtirgan olim va ruhoniylarni yо‘qotib yuborish natijasida mamlakatdagi diniy ishlar bir guruh “chalamullalar” qо‘liga tushib qoldi. Ular diniy fundamentalizm bilan nazariy va amaliy kurash olib borishga, sunniylikni yetarli himoya qilishga ojiz edilar. Ba’zi bir buni yaxshi biladiganlar ham horijiy diniy tashkilotlar bilan til biriktirib ularga sotildi yoki hokimiyatni egallashni kо‘zlab, ataylab, diniy fundamentalizm va ekstremizmning rivojlanishiga sharoit yaratib berdilar.
Yosh mamlakatlarning huquqini muhofaza qilish organlari vakillari diniy jihatdan yetarli savodi bо‘lmaganlari uchun dinga bog‘liq bо‘lgan har qanday kо‘rinishlarni diniy qadriyatlar sifatida qabul qildilar. Ular diniy ekstremistlar tartibsizlik keltirib chiqarmagunlaricha, voqealarning oldini olishda sust faoliyat kо‘rsatdilar.
Buning ustiga, bizga chegaradosh bо‘lgan mamlakatlarda islom fundamentalizmi va ekstremizmning kuchayishi, turli kadrlarni tayyorlab Respublikamizga о‘tkazish, Markaziy Osiyoda islom davlatini tuzish vasvasasi ham vahhobiylikning Respublikamizga kirib kelishiga sabab bо‘ldi.
4. Yaqin Sharqdagi ekstremistik harakatlar haqida gap ketganida “XAMAS” (“Harakat al-muqovama al-islomiy” – Islom qarshilik harakati) о‘ziga xos “nufuz” ga ega. Harakatning rasmiy tarixi 1987 yildan boshlanadi. 1987 yil 14 dekabrda shayx Ahmad Yosin “Har qaysi yahudiyni harbiy kо‘chkinchi deb hisoblash mumkin, bizning vazifamiz – uni о‘ldirish” deb e’lon qilgan kundan boshlanadi[1]. XAMASning maqsadi Falastinni dengizdan Iordangacha bо‘lgan hududini ozod qilish, yahudiylardan tozalash, uni musulmon dunyosi markaziga aylantirish edi. Rasmiy Tel-Aviv dastlab harakatning tuzilishiga unchalik qarshilik qilmadi. Isroil maxsus xizmati – Mossad XAMAS harakatini ma’rifiy uyushma sifatida faoliyat yuritadi, siyosiy faoliyat bilan shug‘ullanadi va shu tariqa Yosir Arofat yetakchiligidagi “Falastin ozodlik harakati” о‘z obrо‘sini tushiradi degan notо‘g‘ri xulosaga kelgan edi. 1988 yilda e’lon qilingan “Islom Xartiyasi” harakat faollari uchun dasturilamal bо‘lib xizmat qilgan. Harakatni Shimoliy Amerikadagi, G‘arbiy Yevropadagi qator fondlar moliya viy jihatdan qо‘llab kelishadi.
5.  О‘zbekistonda 1991 yildayoq “Vijdon erkinligi va diniy tashkilotlar tо‘g‘risida” qonun qabul qilingan edi. Bu qonunda vijdon erkinligi huquqi fuqarolarning dinga munosabatidan qat’iy nazar teng xuquqliligi, dinlarning va diniy tashkilotlarning davlatdan ajratilganligi, Respublikamizda diniy tashkilotlar, diniy jamoa, diniy boshqarmalar, markazlar va birlashmalar, diniy о‘quv yurtlari, ularning nizomlari, nizomlarni rо‘yxatga olish va rad etish, diniy tashkilotlar faoliyatini qanday sharoitda tо‘xtatish kabi masalalar о‘z ifodasini topgan. Ayni paytda, bu qonunda diniy tashkilotlarning mulki va ulardan foydalanish, ularning ishlab chiqarish va xо‘jalik faoliyati, diniy urf-odatlar va marosimlar, diniy adabiyotlar, diniy tashkilotlarning xayriya va madaniy-ma’rifiy faoliyati, xalqaro aloqalari, bu tashkilot-larda mehnatga oid huquqiy munosabatlar, fuqarolarning ijtimoiy ta’minoti, “Vijdon erkinligi va diniy tashkilotlar tо‘g‘risida”gi qonunni buzganligi uchun javobgarlik haqida tо‘la ma’lumotlar berilgan.“Vijdon erkinligi va diniy tashkilotlar tо‘g‘risida” qonun qabul qilingandan о‘tgan 7 yil vaqt ichida bu sohada mustaqil О‘zbekistonda ancha tajriba tо‘plandi. Ana shu tо‘plangan tajribalarni umumlashtirgan holda 1998 yil aprelda О‘zbekiston Respublikasi Oliy Majlisi yuqoridagi qonunni yangi tahrirda qabul qildi
1-modda. Ushbu Qonunning maqsadi
Ushbu Qonunning maqsadi har bir shaxsning vijdon erkinligi va diniy e’tiqod huquqini, dinga munosabatidan qat’i nazar, fuqarolarning tengligini ta’minlash, shuningdek diniy tashkilotlarning faoliyati bilan bog‘liq munosabatlarni tartibga solib turishdan iborat.