Blokchain texnologiyasining uchta asosiy xususiyatlari

Markazlashmaganlik.

Biz Bitkoin va BitTorrent kelishidan oldin ko’proq markazlashtirilgan xizmatlardan foydalanganmiz. Bizda barcha ma’lumotlarni saqlaydigan markaziy server mavjud bo’lgan va biz istalgan ma’lumotni olish uchun faqat shu server bilan bog’lanishimizga to’g’ri kelgan. Bu o’zimiz bilgan an’anaviy mijoz-server texnologiyasi hisoblanadi. Ushbu markazlashtirilgan tizimlardan biz uzoq yillar moboynida foydalanib kelyapmiz, biroq ular bir necha zaiflikka ega.

• 
  Birinchidan, markazlashtirilgan bo’lgani uchun barcha ma’lumotlar bir joyda saqlanadi. Bu esa ularni potentsial haxerlar uchun qulay maqsad nuqtalari qiladi.
  
• 
  Agar markazlashtirilgan tizimda dasturiy ta’minotni yangilashga to’g’ri keladigan bo’lsa u butun tizimni to’xtatishi mumkin bo’lar edi.
  
• 
  Markazlashtirilgan tizim biror bir sabab bilan o’chib qoladigan bo’lsa, tizimdagi ma’lumotlardan hech kim foydalana olmay qoladi
  
• 
  Eng yomoni ushbu tizim buzuq va zararli bo’lsa nima bo’ladi? Agar shunday bo’ladigan bo’lsa tizim ichidaga barcha ma’lumotlar buziladi
  

Markazlashmagan tizimda ma’lumot bitta tizimda saqlanmaydi. Haqiqatan ham, tarmoqdagi har bir kishi o’z ma’lumotlariga ega bo’ladi.

Markazlashmagan tarmoqda do’stingiz bilan muloqot qilishni xohlasangiz, buni to’g’ridan-to’g’ri uchinchi tomonga o’tmasdan amalga oshirishingiz mumkin. Bu esa bitkoinning asosiy g’oyasi edi. Bitkoindagi pul o’tkazmalari faqat pul egasi tomonidan amalga oshiriladi va istalgan shaxsga pul o’tkazmasini bank ishtirokisiz amalga oshirish imkoniyatiga ega.