Biznesni tadqiq etish

8.2.  Kon’yunkturani tashkil qiluvchi omillar, asosiy ko’rsatkichlar va 
ularni tahlil qilish va istiqbollash usullari. 
Ayrim  bozorlarda  muayyan  holatlarning  mavjudligi  bozor  konyukturasini 
anglatadi.  Bozor  konyukturasi  muayyan  davrdagi  bozor  holati  bozorda 
muvozanatning  mavjudligi  yoki  buzilganligi  bilan  xarakterlanadi.  Shunga  ko’ra 
bozor  konyukturasi  ijobiy  va  salbiy,  qulay  va  noqulay  bo’lishi  mumkin.  Bozor 
konyukturasi  talab  oshishi  bilan  xarakterlansa,  u  sotuvchi  uchun  qulay,  chunki  u 
tovarni  qimmatga  sotib,  ortiqcha  daromad  ko’radi.  Agar  bozorda  taklif  ortiqlik 
qiladigan  bo’lsa  konyuktura  xaridor  uchun  qulay  bo’ladi,  tovarni  arzonga  olib 
bundan  naf  ko’radi.  Bozor  konyukturasi  ayrim  tovarlarga  nisbatan  ham  sodir 
bo’lishi  mumkin.  Bozor  konyukturasi  ayrim  tovar  ishlab  chiqarilishiga  va  sotib 
oluvchilarning  xarid  qobiliyatiga,  narx-navoga,  modaning  o’zgarishiga  qarab  har 
xil bo’ladi. Bozorning kelajakdagi holatini ishlab chiqarishning texnikaviy ahvoli, 
unga  sarflangan  qo’shimcha  resurslar  va  ularning  qaytara  berish  muddatlari  tovar 
zahiralari  dinamikasi,  eksport-import,  shuningdek  narx-navodagi  o’zgarishlar 
tendentsiyasiga  qarab  aniqlash  mumkin.  Bu  bilan  tovarlar  taklifi  o’rganiladi. 
Investitsiya  summasi  va  tarkibiga  mehnat  predmetiga  bo’lgan  talab  va  korxona, 
tashkilotlar pul  sarfining  yo’nalishiga  qarab,  shuningdek,  aholi xarid  qobiliyatiga, 
uning  tovarlar  bilan  ta’minlanishi  darajasini  hisobga  olib  talab  o’rganiladi.  Bozor 
konyukturasi  ehtimollari  milliy,  regional  va  jahon  bozorlariga,  ayrim  tovarlarga 
nisbatan  aniqlanadi.  Bozor  konyukturasi  oldingisidan  ko’ra  bilish,  iqtisodiy 
tanglikka  yo’liqmaslik,  bozor  muvozanatini  ta’minlab  berish  sharti  hisoblanadi. 
Bozorning umumiy holatini o’rganishda, uning geografik joylashish hajmi, tovarlar 
va  firmalar  tarkibi,  raqobatning  shiddati,  konyukturasi  va  uning  istiqboliga 
ahamiyat  beriladi.  Ma’lum  davrda  tovarlar  va  xizmatlar  sotilishdagi  imkoniyatni 
ifodalovchi  iqtisodiy  shart  –  sharoitlar  majmui  bozor  konyukturasini  bildiradi.  U 
aniq  iqtisodiy  ko’rsatkichlar  talab  va  taklif  muvozanati,  baholar  darajasi,  bozor 
hajmi  v  boshqalar  bilan  ifodalanadi.  Bozor  konyukturasi  mamlakat  iqtisodiy 
holatiga  to’g’ridan-to’g’ri  bog’liq.  Bozor  va  eng  avvalo  butun  bozor 
konyukturasini  kompleks  tadqiq  etish, ishbilarmon  doiralar  fikricha,  biznesmenga 

---

149 
xatolarga  yo’l  qo’ymaslik,  xo’jalik  masalalarida  bir  qarorga  kelishda 
tavakalchilikni  kamaytirishga  yordam  beradigan  muhim  omil  hisoblanadi. 
Iqtisodiy  konyuktura  tadqiqoti  tovar  ayiriboshlash  sohalarida  va  ularning  takror 
ishlab  chiqarish  jarayoni  boshqa  bosqichlari  bilan  o’zaro  aloqalarni  rivojlantirish 
umumiy  qonunlarni  o’rganish  bilangina  cheklanmaydi,  balki  u  yoki  bu  tovar 
bozorida  tarkib  topgan  ahvolni  har  tomonlama  chuqur  tahlil  etishga,  yuz  berishi 
mumkin bo’lgan vaziyatni oldindan tahmin qilishga qaratilgandir. 
Tovar  bozori  o’zida,  birinchidan,  muayyan  tovarni  ishlab  chiqaruvchilar  va 
iste’molchilar  o’rtasidagi  ikkinchidan,  ishlab  chiqaruvchi  va  iste’mol  qiluvchi 
guruhlar ichidagi iqtisodiy aloqalar tizimini aks ettiradi. Birinchi hol aloqalarning 
asosiy  shakli  bo’lib,  harid  qilish  va  sotish  hisoblanadi.  Ikkinchi  shakli  esa 
o’zaroraqobat shakli hisoblanadi. O’ziga xos tarkib topish sharoitlari va iqtisodiy 
konyuktura  rivojining  qanday  omillarga  asoslanishiga  ko’ra  milliy  xo’jaliklar  va 
tovar bozorlari g’oyat xilma-xil hisoblaniladi. Har bir bozor va uning konyukturasi 
rivoji har bir bosqichi uchun muayyan xususiyatlarni va uzoq muddatli yo’nalishlar 
qo’lamini  o’tkinchi  va  nisbatan  davomli  o’zgarishlarni  hamda  bularning 
ahamiyatini  o’zaro  hamkorlik  darajasini  aniqlashdagi  tutgan  o’rnini  belgilab 
beruvchi omillarni qanchalik uyg’unlashtira olishi muhimdir. 
Iqtisodiy  konyukturani  tadbiq  etish  metodologiyasi  bozorlar  turlanishini 
o’tkazish  zarurligini  taqozo  qiladi.  Konyukturaviy  tadqiqotlarning  amaliy 
yo’nalishi  ularga  qanday  yondashish  va  qanday  uslubdan  foydalanish  kerakligini 
ham  aniqlab  beradi.  Boshqacha  aytganda  tadqiqotlarning  maqsadi  o’tkaziladigan 
turlanish zaminida nimalar yotganligini belgilaydi. 
Bozor  konyukturasi  mamlakat  iqtisodiy  holatiga  to’g’ridan-to’g’ri  bog’liq. 
Shuning  uchun  tovar  bozorining  tahlili  quyidagi  ikki  yo’l  bilan  olib  borilishi 
mumkin: 
Agar konyukturaning o’zgarish darajasi va tendentsiyalarini bilish ko’zlansa, 
u holda uning belgilangan dinamikasi o’rganiladi; 

---

150 
Agar konyukturaning  ma’lum  muddatga bo’lgan ahvolini bilish zarur bo’lsa, 
unda  tovarning  bozordagi  hayotiy  yo’li  o’rganiladi,  aniq  bosqichi  belgilanadi  va 
tahlil qilinadi. 
Butun  yig’ilgan  axborotlar  uch  qismga  bo’linadi.  Birinchisiga,  konyukturani 
oldingi davrda tasvirlangan ma’lumotlari kirib, hozir ularning hech qanday aloqasi 
yo’q.  Ikkinchisiga,  konyukturaning  hozirgi  ahvolini  bildiradi,  ammo  u  istiqbolga 
ta’sir  ko’rsata  olmaydi.  Uchinchisi,  konyukturaning  kelajakdagi  o’zgarishini 
aniqlaydi.  Konyukturaning  tahliliy  bozorning  ayrim  tomonini  ifodalovchi 
ko’rsatkichlargina  emas,  balki  uning  kompleks  holatini  tasvirlovchi  barcha 
axborotlar va statistika ma’lumotlariga asoslanishi kerak. 
Konyuktura  axborotnomasi  –  konyukturaning  tahliliy  shakli  hisoblanadi.  Bu 
xujjat  bozorning  holatiga  ta’sir  etuvchi  barcha  omillar  to’g’risidagi,  ularning 
o’zaro  aloqalari  hamda  konyukturaning  umumiy  o’zgarishini  ifadolovchi 
qonuniyatlarini  o’zida  mujassamlashtiradi.  Mamlakat  iqtisodiy  doirasida 
konyukturani tahlil qilish quyidagi ko’rsatkichlarga asoslanadi: 
Makroiqtisodiy  ko’rsatkichlar,  yalpi  ichki  mahsulot,  yalpi  milliy  daromad, 
qishloq  xo’jaligi  investitsiya,  transport,  tovar  muomalasi  ko’rsatkichlari,  ichki  va 
tashqi bozorlarda tovarlar sotilish hajmi, pul muomalalari kapital aylanishi, baholar 
dinamikasi,  ishsizlik  va  inflyatsiya  darajalari.  Mikroiqtisodiy  ko’rsatkichlarga 
tovar  bozorlari  holati,  talab  va  taklif,  baho,  talbning  qondirilish  darajasi,  tovar 
ishlab  chiqarish,  yangi  korxonalar  qurilishi  va  boshqalar  kiradi.  Yuqoridagi 
ko’rsatkichlarning  umumiy  tomoni  shundaki,  ular  bir-biri  bilan  bog’liq  va  davlat 
iqtisodiyoti  bir  bosqichdan  ikkinchisiga  o’tganda  ularda  o’zgarish  ro’y  beradi. 
Yalpi  milliy  mahsulot,  shaxsiy  iste’mol,  davlat  buyurtmalari,  yalpi  kapital 
qurilishi,  tovar  va  xizmatlarni  eksport  va import  qilish ko’rsatkichlarni o’z  ichiga 
oladi.  Bu  ko’rsatkichlarni  hisoblashda  noaniqliklar  ro’y  bersa  ham  oxirgi  talab 
hajmi har doim mamlakat iqtisodiyoti holatini baholashda muhim o’rinni egallaydi.  
Mamlakat  iqtisodiyoti  konyukturasida  ro’y  beradigan  barcha  o’zgarishlar  manbai 
bo’lib  ishlab  chiqarish  sohalari  hisoblanadi.  Iqtisodiyotda  sanoatning  ulushi 

---

151 
qanchalik  yuqori  bo’lsa,  uning  ko’rsatkichlarining  ahamiyati  shunchalik  yuqori 
bo’ladi. Sanoat ishlab chiqarishning asosiy ko’rsatkichi.