Бизнес ва мулокот конунлари аюпов Равшан Хамдамович

Агар пулингиз бўлса, нима қилган бўлардингиз? 
Пуллар ўз-ўзича унчалик муҳим нарса эмас. Пулни нима қилмоқчи 
бўлганингиз эса ўта муҳим. Шунинг учун бойиб кетган тақдирда нималар 
қилишингиз кераклиги ҳақида руйҳат тузинг. Бу руйхатга Сизга керак бўлган 
ва Сиз эришишга интилаётган барча нарсаларни қўшинг. Масалан, машина, 
кўчмас мулк, уй-жой, ер майдони, дала ховли ва бошқалар. Ундан ташқари, 
бу руйҳатга бойиб кетганингизда Сизга яратиладиган имкониятларни – 
қаерларга боришингиз мумкинлигини, кимлар билан улфат бўла 
олишингизни, қандай тадбирларда иштирок эта олишингизни ҳам қўшиб 
қўйинг. Бу руйҳат Сизга ўзига хос стратегия ролини ўйнайди – чунки бу 
Сизнинг нега бой бўлмоқчи бўлганингизга сабаб сифатида ҳизмат қилади ва 
Сизга мақсадингизга эришиш йўлида куч-қувват ва энергия манбаи бўлиб 
ҳизмат қилади.
Бойлик фалсафаси нималардан иборат? 
Ҳозирги замонда олдингидек жисмоний жиҳатдан кучлилар эмас, 
балки ақллилар бахтли ва узоқ умр кўрмоқдалар. Ахмоқлар эса . . . . .
Шунинг учун Сизга йиллар давомида сингдирилган нотўғри маълумот, 
бефойда ва фойдаланилмайдиган билимларни унутинг ва янги ҳаётга қадам 
қўйинг. Муваффақиятга эришиш, ўзликни топиш, чинакам бадавлат ва 
омадли ҳамда бахтли инсон бўлиш учун кераксиз ва нотўғри маълумотларни 
шу бугуноқ унутинг. Агар шундай қила олмасангиз, умрбод қашшоқлик 
гирдобида умр кечиришингизга тўғри келади. Пайсалга солган ҳар бир 
дақиқангиз аслида кўп нарсани ҳал қилиши мумкин. Чунки ҳаёт Сизга ва 
Сиз яхши кўрган инсонларга фақат бир марта берилади, шунинг учун ҳам 
уни гўзал ва фаровон ўтказишни таъминлаш Сизнинг зиммангиздадир. Сиз 
айни замон ва маконда яйраб ва яшнаб яшашингиз керак ва Сиз бунга 

---

Аюпов Равшан Хамдамович 
80 
муносибсиз! Бойлик орттириш учун кўпчиликнинг моддий ёки маънавий 
истак ва талабларини қондириш оқибатида уларнинг рози-ризолиги билан 
уларнинг ҳар биридан оз-оздан пул йиғиб олиш керак бўлади, холос.