Biznes muloqot va akademik yozuv

Shikoyatlarni ko’rib chiqishda yordam beruvchi usul.

Hamsuhbatni o’z fikringizga ishontirish kerak bo’lganda o’zingizning juda ko’p gapirishingiz juda ham qo’pol xato bo’ladi. Insonlarga biror bir narsani zo’rlab sotish mumkin emas, ular istasalargina Sizdan nimadir sotib oladilar. Bu xolda ham Siz shikoyat qilgan insonga o’z fikringizni sotishingiz kerak bo’ladi, shuning uchun ularda bunga istak uyg’otishingiz maqsadga muvofiq. Esingizda tursin: fikringizni uqtirmoqchi va biror bir amaliy natijaga erishmoqchi bo’lsangiz, iloji yuoricha ko’proq vaqt hamsuhbatingiz gapirsin. Siz esa asta-sekin va ehtiyotkorlik bilan unga fikringizni tushuntirishingiz mumkin.
3-TOPSHIRIQ: Omma e’tiborini qaratish usullari

Ushbu bo’limda biznesga oid ommaviy muloqot yoki tadbirkorlikka ommani jalb qiluvchi ma’ruzalar qilishda qanday qilib o’z-o’ziga ishonchni kuchaytirish va ko’pchilik oldida ma’ruzalar qilishdan cho’chimaslik qobiliyatini rivojlantirish muammolari haqida gapirib o’tamiz. Yaxshi ma’ruzachi (orator) bo’lish uchun quyidagi to’rt asosiy qoidaga rioya qilish kerak bo’ladi:

Birinchi qoida: Ma’ruzangizni o’z maqsadingizga erishish yo’lida kuchli harakat va ehtiros bilan boshlang. Bilib qo’ying, inson bolasi ega bo’lgan hech qanday qobiliyat unga yaxshi gapira olish san’ati kabi tezlik bilan ko’pchilikka tanilish va hizmat pillapoyalaridan ko’tarilish imkonini yaratmaydi. Ta’sirli ommaviy ma’ruzalar o’qiy olish san’atini mukammallashtirish uchun katta ruhiy intilish lozim va shuning uchun ham qiziqish bilan ishga kirishing, orqaga chekinish mumkin bo’lgan barcha ko’priklarni yoqib tashlang, shunda g’alaba Sizga yor bo’ladi.
Ikkinchi qoida: Nima haqda gapirayotganingizni va nimalarni tushuntira olishingizni juda yaxshi, ipidan ignasigacha bilishingiz kerak bo’ladi. Agar Siz o’z ma’ruzangizni yaxshi rejalashtirmagan bo’lsangiz, Siz boshqa bir ko’r kishini etaklamoqchi bo’lgan ko’rga o’xshab qolasiz. Agar Siz biror bir narsani gapirishingiz kerak bo’lsa, gapira olsangiz va bu sohani yaxshi bilsangizgina ma’ruza qiling. Gapirib bo’lgandan so’ng, minbarda ko’p qolib ketmasdan joyingizga o’tiring. Agar ma’ruza qilayotgan chog’ingizda u bilan bog’liq biror nimanidir ko’rsatsangiz yoki xayotiy misollar namoyish
etsangiz, auditoriyaga mavzu yanada tushunarli bo’ladi va Siz ham ko’pchilik oldida o’zingizni yo’qotib qo’ymaysiz.