Biznes faoliyat. Swot tahlili va uni amalga oshirish jarayoni

Marketing strategiyasi. Farmatsevtik ishlab chikarishda marketing tadkikotlari.


Reja.

1. 
   Marketing rejasining axamiyati.
   
2. 
   Biznes faoliyat.
   
3. 
   SWOT tahlili va uni amalga oshirish jarayoni.
   
4. 
   Marketing rejasi tarkibi.
   
5. 
   Marketing strategiyasini moxiyati.
   
6. 
   Farmatsevtika kompaniyasining marketing bo‘limi modellari.
   
7. 
   Marketing bo‘limini yaratish jarayoning bosqichlari.
   
8. 
   Farmatsevtika bozoridagi talab darajasiga qarab marketingning turlari.
   
9. 
   Marketing strategiyasini yaratish uchun foydalaniladigan beshta asosiy yondashuv.
   

Tayanch ibora va so‘zlar. Marketing strategiyasi, marketing rejasi, SWOT tahlili, marketing kanallari , veb-sayt, portfel tahlili, tovar bozori, faol marketing.

Farmatsevtik ishlab chiqarish korxonalarida ishlab chiqarilagan dori vositasini bozorda o‘z o‘rniga ega bo‘lishida va uning bozorda unga uzoq muddat davomida extiyojni saqlanib qolishida marketing strategiyasini ishlab chiqish katta axamiyat kasb etadi. Va bu maqsadda tuzilgan marketing rejasi har qanday biznes uchun eng muhim vosita hisoblanadi.

Marketing rejasi biznesning asosiy maqsadlarini amalga oshirish va bozorda samarali faoliyati yuritish yo‘nalishlarini belgilab beradi. Marketing rejasi biznes-rejadan farq qiladi. Marketing rejasida mijozlarning ehtiyojlarini qondirish, mahsulot sotish va xizmat ko‘rsatishdan olish ehtimoli bo‘lgan foyda to‘g‘risida ma’lumot beradi. Marketing rejasida bozorda mahsulot va xizmatlarni qanday joylashtirish, narx belgilash, reklama va marketing kanallaridan foydalanish yo‘llari o‘z aksini topadi. Eng muhimi – marketing maqsadlaridan kutilayotgan iqtisodiy natijani ko‘rsatadi.
Marketing rejasi muhim hujjatdir. YOzilgandan keyin uni doimo kuzatib borish va foydalanish talab etiladi. Bu esa biznesda strategik maqsadlarga erishish va uning taraqqiyotini kuzatib borish imkonini beradi. Bozor yoki iqtisodiy holat talab etsa, uni o‘zgartirishdan cho‘chimaslik, kichik biznesdagi moslashish qobiliyati raqobat kurashidan saqlanishdagi asosiy xususiyatdir.