|
90-100 ball «5-a’lo» - talaba mustaqil xulosa va qaror qabul qiladi, ijodiy fikrlay oladi, mustaqil mushohada yuritadi, olgan bilimini amalda qo‘llay oladi, fanning (mavzuning) mohiyatini tushunadi, biladi, ifodalay oladi, aytib beradi hamda fan (mavzu) bo‘yicha tasavvurga ega deb topilganda;
70-89,9 ball «4-yaxshi» - talaba mustaqil mushohada yuritadi, olgan bilimini amalda qo‘llay oladi, fanning (mavzuning) mohiyatni tushunadi, biladi, ifodalay oladi, aytib beradi hamda fan (mavzu) bo‘yicha tasavvurga ega deb topilganda;
60-69,9 ball «3-qoniqarli» - talaba olgan bilimini amalda qo‘llay oladi, fanning (mavzuning) mohiyatni tushunadi, biladi, ifodalay oladi, aytib beradi hamda fan (mavzu) bo‘yicha tasavvurga ega deb topilganda;
0-59,9 ball «2-qoniqarsiz» - talaba fan dasturini o‘zlashtirmagan, fanning (mavzuning) mohiyatini tushunmaydi hamda fan (mavzu) bo‘yicha tasavvurga ega emas deb topilganda.
“Biznes asoslari” fanidan talabalar bilimini baholash
Talabalar bilimini baholash semestr va yakuniy nazorat davomida o‘qitish materiallarini o‘zlashtirish ko‘rsatkichi (test, topshiriq va yozma ish natijasi)ga asoslangan.
Joriy, oraliq va yakuniy nazorat ballari quyidagicha taqsimlanadi:
Joriy nazorat – talabaning fan mavzulari bo‘yicha bilim va amaliy ko‘nikma darajasini aniqlash va baholash usuli. Joriy nazorat fanning xususiyatidan kelib chiqqan holda, amaliy (seminar) mashg‘ulotlarida og‘zaki so‘rov, test o‘tkazish, suhbat, masalalar yechish, nazorat ishi, uy vazifalarini tekshirish va shu kabi boshqa shakllarda o‘tkazilishi mumkin.
Talabaga 1-amaliy mashg‘ulotga maksimal – 2 ball gacha qo‘yiladi. Shundan 1 ball - mashg‘ulotga talabaning faol ishtiroki, faolligi uchun berilsa, qolgan 1 ball - uyga berilgan vazifalarni mustaqil bayon qilishi, analitik tahlil qila olishi, so‘nggi ma’lumotlarga tayangan holda namoyish etishi uchun professor-o‘qituvchi tomonidan qo‘yiladi. Bu bir amaliy mashg‘ulot uchun beriladigan maksimal ball hisoblanadi. Qolgan amaliy mashg‘ulotlar shu tartibda baholanib, buning natijasida talaba maksimal 30 ballga ega bo‘ladi.
Amaliy mashg‘ulotlar uchun ajratilgan 40 ballning qolgan 10 ballini talabalar mavzuga oid eng so‘nggi yangi ma’lumotlar asosida taqdimotlar, krossvordlar, ilmiy maqola, tezis, mustaqil ish, yozma esse asosida baholanadi. Bularni umumlashtirgan talaba amaliy mashg‘ulotlar darsga – jami 40 ballga ega bo‘ladi.
Oraliq nazorat – semestr davomida o‘quv dasturining tegishli (fanning bir necha mavzularini o‘z ichiga olgan) bo‘limi tugallangandan keyin talabaning bilim va amaliy ko‘nikma darajasini aniqlash va baholash usuli.
“Biznes asoslari” fanidan oraliq nazorat fanning to‘liq teng yarmi mavzulari o‘tib bo‘linganidan so‘ng o‘tkaziladi. Oraliq nazorat o‘tkazilish muddati universitet rahbariyati tomonidan belgilanadi. Oraliq nazorat talabalar alohida yoki kichik guruhlarga bo‘linga holda (1 yoki 2 talaba ishtirokida) biznes reja tayyorlab uni qog‘ozga chiqarib kafedra mudiri tomonidan tuzilgan komissiyaga topshirishadi.
Biznes asoslari fanidan mukammal tayyorlangan biznes rejaga 30 ball qo‘yiladi.Agar talaba biznes rejani tuzishda kamchiliklarga yo‘l qo‘ysa (biznes-rejani asosiy bo‘limlarini kiritmasa ) yoki ko‘chirmachilk qilsa unda ballar pasaytiriladi yoki umuman qo‘yilmaydi.
Yakuniy nazorat – semestr yakunida muayyan fan bo‘yicha nazariy bilim va amaliy ko‘nikmalarni talabalar tomonidan o‘zlashtirish darajasini baholash usuli. Yakuniy nazorat biznes asoslari fanida asosan tayanch tushuncha va iboralarga asoslangan “og‘zaki” shaklida o‘tkaziladi.
Har bir talabaga 3 tadan savollar beriladi. Agar talaba 3 ta savolga to‘g‘ri va mukammal javob bersa “a’lo” baho olgan hisoblanadi. 2 ta savolga to‘g‘ri javob bersa “yaxshi”, 1 ta savolga to‘g‘ri javob bersa “qoniqarli”, berilgan 3 ta savoldan birortasiga javob berolmasa “qoniqarsiz” sifatida baholanadi.
Fan bo‘yicha talabalarning o‘zlashtirish ko‘rsatkichi 100 ball asosida baholanadi.
Ushbu 100 ball nazorat turlari bo‘yicha quyidagicha taqsimlanadi:
Joriy nazorat uchun – 40 ball.
Oraliq nazorat uchun – 30 ball.
Yakuniy nazorat uchun – 30 ball.
Do'stlaringiz bilan baham: |
