Биз ёшлар оив ва спидга қаршимиз! 1 декабрь- халқаро спидга қарши кураш кунига бағишлаб суҳбат

Тананинг қайси суюқликлари орқали ОИВи юқиши мумкин?
Вирус организмнинг кўпгина суюқликларида бўлади, бироқ ОИВ фақат қон, шаҳват, қин суюқликлари она сути орқали юқиши мумкин:
Сийдик, тери ва сўлак орқали эса ОИВи юқмайди, чунки уларда ОИВнинг миқдори жуда кам бўлади. Масалан, ОИВи юқиши учун, сўлакнинг миқдори 3-4 литр бўлиши лозим.
ОИВ кандай юқади?
ОИВ жароҳатланган тери, шиллиқ парда орқали юқади.
1. Ҳимояланмаган жинсий алоқаларда ишқаланиш натижасида шиллиқ парда ва терида доимий равишда хосил бўладиган кичик жароҳатларга шаҳват, қин суюқлиги, қоннинг тушиши натижасида юқади.
2. Қон орқали:
Текширишлардан ўтмаган қон ёки қоннинг таркибий қисм (компонент)ларини қуйишда;
жарроҳлик, стоматологик, гинекологик муолажаларида зарарсизлантирилмаган асбоблардан фойдаланилганда;
мушак, тери ва томирга дори юбориш муолажаларида шприц, игна ва дори юбориш тизим (система)ларидан умумий тарзда, кўп марталаб фойдаланилганда;
қулоқ тештирганда, терига расм солдирганда (татиуровка, татуаж) зарарсизлантирилмаган игналардан фойдаланилганда юқади.
Касаллик кўпроқ гиёҳванд моддаларни томир орқали қабул қилиш натижасида юқади. Эритмани қўл бола услубда тайёрлаш, кўпчилик бўлиб бир идишдан қабул қилиш, шприц ва игналардан бир мартадан ортиқ фойдаланиш ОИВ билан зарарланишга олиб келади.
3. Онадан болага.
Ҳомиладорлик даврида Туғиш даврида Кўкрак билан эмизиш даврида юқиши мумкин.
ОИВ қайси ҳолатларда юқмайди?
Маиший муносабатлар орқали, яъни:
Юздан ўпганда, қучоқлаб кўришганда, қўл бериб сўрашганда;
Болаларни қўлга олиб кўтарганда, у билан ўйнаганда;
Аксирганда, йўталганда;
Ҳовуз, сауна, ҳаммомда чўмилганда;
Телефон, унитаздан фойдаланганда;
Озиқ-овқат, идиш товоқлар орқали,
Кийим-кечак, сочиқ, кўрпа ёстиқлар орқали
Шунингдек
Турли қон сўрувчи ҳашоратлар — чивин, ўрин-кўрпа кандаласи, бурга, бит кабилар чаққанда ОИВи юқмайди.
ОИВининг юқиш хавфи юқори бўлган гуруҳларга:
1. Гиёҳванд моддаларни томир орқали қабул қилувчилар;
2. Фоҳишалар;
3. Тартибсиз жинсий ҳаёт кечирувчи шахслар;
4. Бесоқолбозлар;
5. Даволаш муассасаларининг даволанувчилари, шунингдек қон қуйилган шахслар;
6. Қамоқхоналардаги озодликдан маҳрум этилган шахслар;
7. ОИВни юқтирган оналардан туғилган болалар киради.