Bitiruv malakviy ishi oliy ta’lim muassasasida bakalavriat ta’lim yo‘nalishi

---

1 
 

---

2 
 

---

3 
 
Kirish 
Bitiruv malakviy ishi oliy ta’lim muassasasida bakalavriat ta’lim yo‘nalishi 
talabalari uchun o‘qitishning yakuniy bosqichi hisoblanadi.
Bitiruv malakaviy ishini bajarish orqali quyidagilar maqsad qilib olingan:
-
ta’lim olish jarayonidagi nazariy va amaliy bilimlarni mustahkamlash 
hamda kengaytirish, olingan bilimlarni muayyan sohadagi vazifalarni hal etishda 
qo‘llash;
-
ijodiy ishlash, hal etilayotgan masalaning qo‘yilishidan boshlab, uning 
uning to‘la nihoyasiga yetkazish bo‘yicha qaror qabul qilishda bo‘lgan mas’uliyatni 
his etishga o‘rgatish;
-
iqtisodiyotning raqamlashishi sharoitida talabalarning mustaqil ishlashga 
tayyorgarligini ta’minlashdan iborat.
Ushbu uslubiy ko‘rsatma institutning “Buxgalteriya hisobi” ta’lim yo‘nalishi 
bitiruvchi kurs talabalarining bitiruv malakaviy ishlarini bajarish, ularni 
rasmiylashtirish va himoya qilishlari uchun tayyorlangan.
1.
 
Bitiruv malakaviy ishi mavzusi va ilmiy rahbar tayinlash
 
Bitiruv malakaviy ishi mavzulari har bir o‘quv yili boshida mutaxassis 
tayyorlovchi kafedra tomonidan shakllantiriladi va institut kengashi tomonidan 
tasdiqlanadi. Bitiruv malakaviy ishi mavzulari talabalarga o‘quv yilining boshida 
beriladi. Bitiruv malakaviy ishi mavzularini shakllantirishda talabalar uchun tanlov 
imkonini yaratish lozim. Talaba bitiruv malakaviy ishi mavzusini mustaqil tanlash 
huquqiga ega.
Bitiruv malakaviy ishi mavzularini shakllantirishda kadrlar iste’molchilarini 
inobatga olgan holda shakllantirish maqsadga muvofiq hisoblanadi.
Bitiruv malakaviy ishiga ilmiy rahbar tegishli mutaxassis tayyorlovchi kafedra 
professor-o‘qituvchilari tarkibidan yoki boshqa muassasa va korxonalarning malakali 
mutaxassislari safidan tayinlanishi mumkin.
Bitiruv malakaviy ishi mavzusi va ilmiy rahbarni talabaga biriktirish kafedra 
mudirining taqdimnomasi asosida, fakultet dekani tomonidan taqdim etilgan loyihaga 
muvofiq rektorning buyrug‘i bilan rasmiylashtiriladi.
Bitiruv malakaviy ishiga tayinlangan ilmiy rahbar uning mavzusi va rejasiga 
muvofiq talabaga tegishli materiallarni jamlash yuzasidan topshiriq hamda maslahatlar 
berib boradi. Bitiruv malakaviy ishi yuzasidan berilgan topshiriq shaxsan talaba 
tomonidan bajarishi shart va u rasmiylashtirilgan holda Bitiruv malakaviy ishi bilan 
birgalikda Yakuniy Davlat Attestatsiya komissiyasiga taqdim etiladi.